عفت عُمر کی بیٹی کی انگریز نوجوان سے منگنی
July, 21 2024
لاہور:(ویب ڈیسک)پاکستان کی معروف اداکارہ اور میزبان عفت عُمر نے اپنی بیٹی نور جہاں کی منگنی کی تصاویر سوشل میڈیا پر شیئر کی ہیں۔
عفت عُمر نے اپنے آفیشل انسٹاگرام اکاؤنٹ پر بیٹی کی منگنی کی تصاویر پوسٹ کی ہیں جن میں نور جہاں اور ان کے منگیتر کو دکھایا گیا ہے۔
تصاویر میں نور جہاں کو مغربی لباس میں ملبوس دیکھا جا سکتا ہے جبکہ ان کے منگیتر پینٹ سوٹ میں نظر آ رہے ہیں۔
عفت عُمر نے اپنی پوسٹ میں داماد کا نام اور دیگر تفصیلات شیئر نہیں کیں تاہم تصاویر سے اندازہ ہوتا ہے کہ نور جہاں نے کسی انگریز شخص سے منگنی کی ہے۔ اداکارہ نے اپنی پوسٹ میں کہا کہ "میری چھوٹی سی بیٹی کی منگنی ہوگئی ہے اور میں اب باضابطہ طور پر ساس بن گئی ہوں"۔
عفت عُمر نے سوشل میڈیا صارفین کے منفی تبصروں سے بچنے کے لیے اپنی پوسٹ کا کمنٹ سیکشن بھی بند کر دیا ہے۔ انہوں نے اپنے انسٹاگرام اکاؤنٹ پر بیٹی اور داماد کی ویڈیو بھی پوسٹ کی ہے جس میں نئے جوڑے کو مختلف پوز دیتے ہوئے دیکھا جا سکتا ہے۔
پوسٹ کے کیپشن میں عفت عُمر نے ان تمام لوگوں کا شکریہ ادا کیا جو ان کی بیٹی کی منگنی پر مبارکباد دے رہے ہیں اور نیک خواہشات کا اظہار کر رہے ہیں۔
یہ بات بھی قابل ذکر ہے کہ مئی 2023 ء میں نور جہاں نے نیو یارک کی کارنیل یونیورسٹی سے گریجویشن کی ڈگری حاصل کی تھی۔
ضرور پڑھیں
5 جی 6 جی کا دور ختم، چین نے 10 جی انٹرنیٹ لانچ کردیا
April, 24 2025
مقبوضہ کشمیر: سیاحوں پر حملہ، بھارتی میڈیا کا حسب روایت پاکستان مخالف پراپیگنڈا
April, 22 2025
غزہ کے مظلوموں کی پکار: کیا برصغیر کا مسلمان جاگے گا؟
April, 22 2025
عمران خان سے ملاقات نہ کرانے پر توہین عدالت کی درخواست دائر
April, 18 2025