عالمی منڈی میں تیل کی قیمتوں میں مزید کمی

رپورٹ کے مطابق منگل کو پاکستانی وقت کے مطابق صبح کے ابتدائی اوقات میں برینٹ خام تیل کے مستقبل کے سودے 24 سینٹ یعنی 0.23 فیصد کمی کے بعد 92.33 ڈالر فی بیرل پر آگئے۔

اسی طرح امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں 35 سینٹ یعنی 0.40 فیصد کمی ہوئی اور اس کی قیمت 86.50 ڈالر فی بیرل ریکارڈ کی گئی۔

یہ بھی پڑھیں: سی ایس ایس تحریری امتحان کیلیے درخواستیں طلب

اس سے ایک روز قبل بھی عالمی منڈی میں تیل کی قیمتوں میں نمایاں کمی ہوئی تھی۔ برینٹ خام تیل کے نرخ گزشتہ کاروباری سیشن میں 5.85 فیصد گر گئے تھے اور دورانِ تجارت 31 اگست کے بعد اپنی کم ترین سطح تک پہنچ گئے تھے۔

منگل کی تازہ کمی سے ظاہر ہوتا ہے کہ عالمی منڈی میں تیل کی قیمتوں پر دباؤ برقرار ہے۔