ملک میں خوراک کا ایک اور بحران سر اٹھانے کو تیارملک میں خوراک کا ایک اور بحران سر اٹھانے کو تیار

کھانا پکانے کے لیے تیل اور گھی کا استعمال ناگزیر ہے، لیکن ملک میں خوراک کے ان اہم اجزا کا بحران پیدا ہونے کا خدشہ ہو گیا ہے۔

چیئرمین ایڈیبل آئل ٹینکرز ایسوسی ایشن بختاور خان کا کہنا ہے کہ 10 دن سے خوردنی تیل ٹینکرز ہڑتال پر ہیں اگر ہڑتال جاری رہتی ہے تو خوردنی تیل کی سپلائی بند ہونے سے ملک میں گھی اور تیل کا بحران پیدا ہوگا۔

یہ بھی پڑھیں: ملک بھر میں گڈز ٹرانسپورٹ کی ہڑتال بدستور جاری

ان کا کہنا تھا کہ 10 ویلر ٹینکرز کو مناسب وزن دیا جائے۔ ہمارا دس ویلر ایڈیبل آئل ٹینکر 60 ٹن کا ہے اور وہ لوڈ کو خراب نہیں کرتا۔

چیئرمین ایڈایبل آئل ٹینکرز ایسوسی ایشن نے پابندی ہٹانے کا مطالبہ کرتے ہوئے کہا کہ آج گورنر ہاؤس میں منعقدہ میٹنگ میں مسائل کا حل نکالا جائے، بصورت دیگر ہم ہڑتال جاری رکھیں گے۔