سونے کی قیمت میں مسلسل پانچویں روز بڑی کمی
آل پاکستان صرافہ جیولرز ایسوسی ایشن کے مطابق 24 قیراط فی تولہ سونے کی قیمت میں 4 ہزار 700 روپے کی کمی ہوئی، جس کے بعد نئی قیمت 4 لاکھ 30 ہزار 236 روپے مقرر ہوگئی۔
اسی طرح 10 گرام سونے کی قیمت میں 4 ہزار 29 روپے کی کمی ریکارڈ کی گئی، جس کے بعد 10 گرام سونا 3 لاکھ 68 ہزار 858 روپے کا ہوگیا۔
چاندی کی قیمت میں بھی کمی کا رجحان برقرار رہا، صرافہ ایسوسی ایشن کے مطابق فی تولہ چاندی 138 روپے سستی ہونے کے بعد 6 ہزار 421 روپے پر آگئی۔
دوسری جانب عالمی مارکیٹ میں بھی سونے کی قیمت میں نمایاں گراوٹ دیکھی گئی، جہاں فی اونس سونا 47 ڈالر سستا ہو کر 4 ہزار 78 ڈالر فی اونس پر آ گیا۔
معاشی ماہرین کا کہناہے کہ عالمی سطح پر سونے کی قیمتوں میں اتار چڑھاؤ کے اثرات پاکستانی مارکیٹ پر بھی براہِ راست مرتب ہو رہے ہیں۔
ذہن نشین رہے کہ گزشتہ روز بھی سونے اور چاندی کی قیمتوں میں کمی ریکارڈ کی گئی تھی، اس وقت فی تولہ سونا 2 ہزار 500 روپے سستا ہو کر 4 لاکھ 34 ہزار 936 روپے کا ہوگیا تھا، جبکہ عالمی مارکیٹ میں فی اونس سونے کی قیمت 4 ہزار 125 ڈالر ریکارڈ کی گئی تھی۔
یہ بھی پڑھیں:حکومت کا عوام کے لیے گیس کی قیمتوں میں کمی نہ کرنے کا فیصلہ
معایش ماہرین کے مطابق عالمی معاشی صورتحال، ڈالر کی قدر اور بین الاقوامی طلب میں تبدیلی آئندہ دنوں میں بھی سونے کی قیمتوں پر اثر انداز ہو سکتی ہے، جس پر سرمایہ کار اور خریدار گہری نظر رکھے ہوئے ہیں۔
