کراچی میں صحافیوں سے گفتگو میں جمیل احمد کا کہنا تھا کہ مہنگائی کنٹرول میں ہے مالیاتی شعبے میں استحکام آرہا ہے توجہ معاشی نمو پر ہے، اس حوالے سے پیشرفت پائیدار ہے، یہ سلسلہ آئندہ 2 سال رہے گا، آئی ایم ایفکے ستمبر 2027ء تک کے پروگرام میں ڈپازٹس رول اوور ہونا شامل ہے۔
انہوں نے کہا کہ نان فوڈ ایکسپورٹ میں 5 سے 6 فیصد اضافہ ہوا ہے تاہم چاول کی برآمدات میں کمی آئی ہے، چاول کی برآمدات بہتر ہوں گی، رواں مالی سال ترسیلات زر 42 ارب ڈالرز سے زیادہ ہوں گی۔
گورنر سٹیٹ بینک نے کہا کہ رواں مالی سال کی ساڑھے 10 ارب ڈالر ادائیگیوں میں سے 6 ارب ڈالر ادا کرچکے ہیں، 4 سے ساڑھے 4 ارب ڈالرز کی ادائیگیاں وقت پر کر لیں گے۔
یہ بھی پڑھیں: پانچ ہزار کا نوٹ ختم کرنے کی افواہوں پر سٹیٹ بینک کا مؤقف آگیا
نئے کرنسی نوٹوں کے حوالے سے گورنر سٹیٹ بینک نے بتایا کہ نئے ڈیزائن کے کرنسی نوٹ عید پر دستیاب نہیں ہوں گے، کرنسی نوٹوں کے ڈیزائن وفاقی کابینہ کو بھجوا دیے گئے ہیں، وفاقی کابینہ کی منظوری کے بعد نئے نوٹوں کی پرنٹنگ اور مناسب اسٹاک کے بعد اجرا کے لیے وقت درکار ہے۔
گورنر مرکزی بینک کا مزید کہنا تھا کہ کہ نئے کرنسی نوٹوں میں جدید ترین سکیورٹی فیچرز کو شامل کیا گیا ہے، عام آدمی بھی نوٹ اصلی یا جعلی ہونے کے بارے میں باآسانی بتا دے گا۔
