ایف بی آر ذرائع کے مطابق فیڈرل بورڈ آف ریونیو نے 60 ہزار سے زائد جیولرز کا ڈیٹا اکٹھا کر لیا ۔

ذرائع کا بتانا ہے کہ صرف 21 ہزار جیولرز ایف بی آر کے ساتھ رجسٹرڈ ہیں جبکہ رجسٹرڈ میں سے بھی صرف 10 ہزار 524 جیولرز نے ٹیکس ریٹرن داخل جمع کرائے، بیشتر جیولرز اپنی آمدنی کم ظاہر کر کے ٹیکس چھپا رہے ہیں۔

ذرائع کے مطابق محکمہ نے ٹیکس چھپانے والے جیولرز کے خلاف کارروائی شروع کرنے کا عندیہ دے دیا ، پہلے مرحلے میں پنجاب کے 900 جیولرز کی فہرستیں تیار کی گئی ہیں جن میں لاہور، راولپنڈی، فیصل آباد اور ملتان کے تاجر شامل ہیں۔

یہ بھی پڑھیں: ایف بی آر کا ٹیکس چوروں کے خلاف جارحانہ کریک ڈاؤن

ایف بی آر ذرائع کی جانب سے بتایا گیا ہے کہ نوٹس کے ذریعے جواب طلب کیا جارہا کہ سیل کروڑوں میں لیکن ٹیکس اتنا کم کیوں جمع کرواتے ہیں۔

ذرائع کے مطابق ٹیکس ریٹرن بیشتر جیولرز کی دکانوں ، خرید و فروخت اور رہن سہن کے مطابق نہیں ہے جبکہ کئی ہزار جیولرز ٹیکس نیٹ میں شامل ہی نہیں ہو رہے ۔

ایف بی آر حکام کا کہنا ہے کہ تمام سیکٹرز کو ٹیکس نیٹ میں لایا جارہا ہے ،کسی تاجر یا صنعت کار کو بلا وجہ نوٹس نہیں دیں گے ، ہر فرد اپنے حصے کا ٹیکس ایمانداری سے دے گا تو ملک چلے گا۔