جاری کردہ اعداد و شمار کے مطابق کاروباری دن کے دوران 100 انڈیکس 1000 پوائنٹس چڑھ کر 1,23,200 کی سطح پر جا پہنچا، جو مارکیٹ کی مضبوطی اور سرمایہ کاروں کے بڑھتے ہوئے اعتماد کی عکاسی کر رہا ہے۔

معاشی ماہرین کے مطابق حالیہ تیزی کا بنیادی سبب ملک کی بہتر ہوتی اقتصادی صورتحال، بیرونی سرمایہ کاری میں اضافہ اور حکومتی پالیسیوں کا تسلسل ہے، سیاسی اور معاشی محاذ پر مثبت پیش رفت اور بہتر معاشی اعداد و شمار سرمایہ کاروں کی دلچسپی کا باعث بنے ہیں۔

تجزیہ کاروں کا کہنا ہے کہ اسٹاک مارکیٹ میں توانائی، بینکنگ اور ٹیکسٹائل سمیت مختلف شعبے نمایاں کارکردگی کا مظاہرہ کر رہے ہیں۔ ان شعبوں میں خریداری کا رجحان اس بات کا اشارہ ہے کہ سرمایہ کار آئندہ دنوں میں مارکیٹ کی مزید بہتری کی توقع کر رہے ہیں۔

یہ بھی پڑھیں:ایران اسرائیل جنگ بندی، سونا ہزاروں روپے سستا

معاشی ماہرین کا مزید کہنا ہے کہ حالیہ دنوں میں ڈالر کی قیمت میں معمولی کمی، درآمدات اور برآمدات میں توازن اور بیرونی سرمایہ کاروں کی توجہ پاکستان کی طرف مبذول ہونے جیسے عوامل اسٹاک مارکیٹ میں تیزی کا باعث بنے ہیں۔ اس صورتحال میں عام سرمایہ کار اور بڑے مالیاتی ادارے دونوں پُر اعتماد دکھائی دے رہے ہیں۔

واضح رہے کہ اگر یہ رجحان برقرار رہا تو آئندہ دنوں میں 100 انڈیکس نئے ریکارڈ سطح عبور کر سکتا ہے۔

مجموعی طور پر پاکستان اسٹاک ایکسچینج کی حالیہ تیزی سرمایہ کاروں اور کاروباری حلقوں کیلئے مثبت پیغام ہے، اور آنے والے دنوں میں مزید مضبوطی کی امید کی جا رہی ہے۔