تفصیلات کے مطابق قومی بچت مرکز کی جانب سے 200 روپے مالیت کے انعامی بانڈ کی قرعہ اندازی میں پہلا انعام 7 لاکھ 50 ہزار روپے کا تھا، جو بانڈ نمبر 774331 رکھنے والے خوش نصیب کے حصے میں آیا۔ دوسرے انعام کے لیے پانچ افراد کو منتخب کیا گیا، جنہیں فی کس 2 لاکھ 50 ہزار روپے کی رقم دی جائے گی۔ دوسرے انعام جیتنے والوں کے بانڈ نمبر 097127، 265610، 464840، 976082 اور 978550 یہ ہیں۔

اس کے علاوہ، تیسرا انعام 1 لاکھ 250 روپے فی کس کے حساب سے 2 ہزار 394 افراد میں تقسیم کیا جائے گا، جن کی مکمل فہرست جلد ہی قومی بچت کی آفیشل ویب سائٹ اور متعلقہ دفاتر میں جاری کی جائے گی۔

یہ بھی پڑھیں: اسٹاک مارکیٹ میں زبردست تیزی

یہ قرعہ اندازی اسٹیٹ بینک آف پاکستان کے زیر نگرانی اور قومی بچت مراکز کے تعاون سے شفاف طریقے سے منعقد کی گئی۔ انعامی بانڈز پاکستان میں ایک مقبول سرمایہ کاری کا ذریعہ ہیں، جو کم سرمائے سے بہتر منافع کی امید رکھنے والوں کو پرکشش مواقع فراہم کرتے ہیں۔

بانڈ ہولڈرز اپنی جیتی ہوئی رقم متعلقہ بینک برانچ یا قومی بچت دفتر سے حاصل کر سکتے ہیں۔ تاہم انعامی رقم پر ٹیکس کا نفاذ بھی لاگو ہوتا ہے، جس کے تحت ٹیکس فائلرز سے 15 فیصد جبکہ نان فائلرز سے 35 فیصد کٹوتی کی جائے گی۔

یہ نظام نا صرف حکومت کو مالی معاونت فراہم کرتا ہے بلکہ عوام الناس کے لیے بچت اور منافع کا ذریعہ بھی بنتا ہے۔ قرعہ اندازی کے ذریعے لاکھوں روپے جیتنے کا موقع ہر بار عوام کی دلچسپی میں اضافے کا باعث بنتا ہے۔

قومی بچت ادارے نے سرمایہ کاروں کو مشورہ دیا ہے کہ وہ انعامی بانڈز کے بارے میں تازہ ترین معلومات حاصل کرنے کے لیے مستند ذرائع اور قومی بچت مراکز سے رجوع کریں، تاکہ کسی قسم کی غلط فہمی یا فراڈ سے محفوظ رہا جا سکے۔