عالمی بینک کے مطابق قرض کی رقم میکرو کریڈٹ اور میکروفنانس کیلئے استعمال ہو سکے گی، قرض کی رقم سے 18 لاکھ 90 ہزار افراد مستفید ہو سکیں گے۔ غریب اور کم آمدن والے گھرانوں کو قرض دیا جا سکے گا۔ قرض کو وزارت خزانہ مرکزی بینک کے ذریعے استعمال کیا جائے گا۔ پاکستان کو امداد نئی دس سالہ کنٹری پارٹنرشپ فریم ورک کے تحت فراہم کی گئی ہے۔

اعلامیے میں کہا گیا ہے کہ منصوبہ چھوٹے کاروباروں اور دیہی علاقوں میں مالیاتی شمولیت بڑھانے میں مدد دے گا۔

ورلڈ بینک کنٹری ڈائریکٹرکا کہنا ہے کہ مائیکرو فنانس غریب طبقے کی مالی مدد کے لیے ایک اہم ذریعہ ہے، اس منصوبے سے 10 لاکھ خواتین سمیت 18 لاکھ 90 ہزار افراد مستفید ہوں گے، پاکستان میں ورلڈ بینک کے تعاون سے 54 منصوبے جاری ہیں، پاکستان میں عالمی بینک کی کل سرمایہ کاری 15.7 ارب ڈالر تک پہنچ گئی ہے۔