بین الاقوامی بلین مارکیٹ میں فی اونس سونے کی قیمت میں 5 ڈالر کا اضافہ ہوا، جس کے بعد قیمت 2915 ڈالر کی سطح پر پہنچ گئی۔ 

عالمی مارکیٹ میں اس اضافے کے اثرات مقامی مارکیٹوں میں بھی محسوس کیے گئے، جہاں فی تولہ سونے کی قیمت میں 500 روپے کا اضافہ ہوا،جس کے بعد قیمت 3 لاکھ 6 ہزار 500 روپے تک پہنچ گئی ہے۔ اسی طرح 10 گرام سونے کی قیمت 429 روپے بڑھ کر 2 لاکھ 62 ہزار 774 روپے کی سطح پر پہنچ گئی۔

قیمتوں میں یہ اضافہ عالمی سطح پر بڑھتی ہوئی اقتصادی بے یقینی اور سونے کی بڑھتی ہوئی طلب کی وجہ سے ہو رہا ہے۔ ماہرین کے مطابق سونے کی قیمتوں میں یہ اتار چڑھاؤ عالمی مالی مارکیٹ میں ہونے والی تبدیلیوں کا نتیجہ ہے۔

واضح رہے کہ اس اضافے نے مقامی مارکیٹوں میں سونے کے خریداروں اور بیچنے والوں کے درمیان اضطراب پیدا کر دیا ہے، جبکہ سرمایہ کاروں کی نظریں عالمی مارکیٹ میں سونے کی قیمتوں پر مرکوز ہیں۔