تفصیلات کے مطابق گوگل پر پاکستانی کرنسی کا اتار چڑھاؤ نے بڑے بڑوں کو پریشان کر دیا جہاں پر درھم کے مقابلے میں روپیہ کھبی 76 سے کم ہوکر 38 تو کھبی ریکارڈ 124 پر جا پہنچا۔ گوگل کی اس فنی خرابی پر صارفین بھی حیرت میں مبتلا رہے۔

منگل کی صبح سے گوگل پر پاکستانی کرنسی کا اتار چڑھاو جاری ہے۔ گزشتہ روز 1 درھم 76 کا تھا تاہم اچانک سے 76 سے کم ہو کر 34 پر پہنچ گیا۔

ایک صارف نے نشاندہی کی کہ گوگل پر دوبارہ چیک کیا تو ایک درہم کے مقابلے میں روپیہ 124 کا بھی دیکھنے کو ملا۔ سنو نیوز نے جب مقامی ایکسچینج سے رابطہ کیا تو انہوں نے بتایا کہ منگل کا ریٹ 75 روپے 75 پیسے ہے جبکہ بہت سارے پاکستانی کسٹمرز قیمتوں میں اتار چڑھاؤ بارے فون کر رہے ہیں۔

دوسری طرف سوشل میڈیا پر بعض صارفین ریٹ میں کمی کو حکومتی پالیسوں کی کامیابی سے گردانتے دیکھائی دیئے۔