جس کے نتیجے میں 100 انڈیکس میں 393 پوائنٹس کی کمی واقع ہوئی ہے۔ انڈیکس 1 لاکھ 13 ہزار 754 پوائنٹس پر آ گیا ہے۔ تاہم کاروبار کے دوران انڈیکس 1 لاکھ 14 ہزار 329 پوائنٹس کی بلندی کو بھی چھو چکا تھا۔

ذہن نشین رہے کہ گزشتہ روز کاروبار کے اختتام پر اسٹاک ایکسچینج کا انڈیکس 1 لاکھ 14 ہزار 148 پوائنٹس پر بند ہوا تھا، جس میں آج کے دن کی کمی نے سرمایہ کاروں میں تشویش کی لہر پیدا کر دی ہے۔

دوسری جانب انٹربینک مارکیٹ میں امریکی ڈالر کی قیمت میں 12 پیسے کی کمی آئی ہے۔آج کے کاروبار کے دوران ڈالر 278 روپے 60 پیسے پر آ گیا، جبکہ گزشتہ روز کاروبار کے اختتام پر ڈالر کی قیمت 278 روپے 72 پیسے تھی۔

واضح رہے کہ پاکستان اسٹاک ایکسچینج اور انٹربینک مارکیٹ میں اتار چڑھاؤ کے باوجود سرمایہ کاروں کی نظریں آئندہ دنوں کی صورتحال پر مرکوز ہیں۔ اس وقت دونوں مارکیٹوں میں غیر یقینی صورتحال کا سامنا ہے۔