پاکستان میں فی تولہ سونے کے ریٹ میں 2000 روپے کا اضافہ دیکھنے کو ملا ہے جس سے فی تولہ سونے کی قیمت 2 لاکھ 62 ہزار 100 روپے ہوگئی ہے۔

آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق 10 گرام 24 قیراط سونے کی قیمت میں بھی 1714 روپے کا اضافہ دیکھا گیا جس سے یہ 224708 روپے تک پہنچ گیا ہے۔

دوسری جانب عالمی گولڈ مارکیٹ میں بھی تیزی کا رجحان دیکھا گیا۔ رپورٹ کے مطابق، تجارتی دن کے دوران 22 ڈالر اضافے کے بعد سونے کی بین الاقوامی قیمت 2,503 ڈالر فی اونس تک بڑھ گئی۔

مقامی مارکیٹ میں چاندی کی قیمت میں بھی طویل عرصے کے بعد بڑی کمی دیکھی گئی اور فی تولہ قیمت 50 روپے کمی کے بعد 2900 روپے ہوگئی۔

مقامی مارکیٹ میں سونے کی قیمتوں میں اتار چڑھاؤ بین الاقوامی منڈی کی جاری حرکیات کے ساتھ ساتھ ملکی عوامل بشمول کرنسی کی شرح تبادلہ اور ملک کے اندر طلب سے متاثر ہوتا رہتا ہے۔