جوہانسبرگ:(سنو نیوز) جنوبی افریقہ کے شہر جوہانسبرگ میں آتشزدگی سے 5 منزلہ عمارت میں آگ لگ گئی جس کے نتیجے میں 73 افراد ہلاک ہو گئے۔ خبرایجنسی کے مطابق آتشزدگی کے واقعے میں 43 افراد زخمی بھی ہوئے ہیں،سرچ اینڈ ریسکیو آپریشن جاری ہے۔ جوہانسبرگ کے ریسکیو کے ادارے کے مطابق آگ عمارت کی پہلی منزل میں بھڑک اٹھی جس نے دیکھتے ہی دیکھتے پوری عمارت کو اپنی لیپیٹ میں لے لیا۔

At least 63 confirmed dead in Johannesburg building fire; death toll expected to rise furtherpic.twitter.com/W0caFYIE0u

— BNO News (@BNONews) August 31, 2023

آگ پر کئی گھنٹوں بعد قابو پالیا گیا جبکہ سرچ اینڈ ریسکیو آپریشن جاری ہے، ہلاکتوں میں اضافے کا خدشہ ظاہر کیاجارہا ہے۔ جوہانسبرگ ایمرجنسی مینجمنٹ سروس کے ترجمان کے مطابق مقامی وقت کے مطابق رات ڈیڑھ بجے عمارت میں آگ لگی جس نے پوری عمارت کو اپنی لپیٹ میں لے لیا۔ سربراہ ایمرجنسی مینجمنٹ سروس کا کہنا ہے کہ میں نے اپنے 20 سالہ پروفیشنل کیرئیر میں ایسی خوفناک آتشزدگی نہیں دیکھی۔

Latest update 63 bodies recoverd and 43 injured still continuing with search and recovery operation

— Cojems Spokesperson (@RobertMulaudzi) August 31, 2023

انہوں نے بتایا کہ یہ عمارت بے گھر افراد کی رہائش گاہ تھی جو انہیں لیز پر دی گئی تھی. ان کا کہنا ہے کہ امدادی کارکنوں کو عمارت میں امدادی کارروائی کے دوران مشکلات کا سامنا ہے جبکہ امدادی کارکن عمارت کی تمام منزلوں پر آپریشن کر رہے ہیں کیونکہ اندر مزید لوگ بھی پھنسے ہو سکتے ہیں۔