لاہور:(ویب ڈیسک) دنیا میں زیادہ تر لوگ کھانا کھانے کے لیے چمچوں کا استعمال کرتے ہیں جبکہ اگر ہاتھوں کا استعمال کیا جائے تو یہ طریقہ چمچوں یا کانٹوں کی نسبت زیادہ صحت مند فوائد فراہم کرتا ہے۔ وہ فوائد کیا ہیں جانتے ہیں۔ مؤثر ہاضمہ ہمارے جسم میں اور جِلد پر فائدے مند بیکٹیریا ہوتے ہیں جو ہمیں ماحول میں پائے جانیوالے نقصان دہ بیکٹیریا سے بچاتے ہیں جب آپ اپنی انگلیوں کی مدد سے کھانا اپنے منہ میں لے کر جاتے ہیں تو آپ لاشعوری طور پر ان فائدہ مند بیکٹیریا کو جسم میں داخل کررہے ہوتے ہیں جو مناسب ہاضمے میں معاونت فراہم کرتے ہیں۔ ذیابیطس کے خطرات میں کمی عمومی طور پر چمچ اور کانٹے کا استعمال کرتے ہوئے کھانا جلدی کھایا جاتا ہے جبکہ دوسری جانب جلدی جلدی کھانا خون میں شوگر کے عدم توازن کی وجہ قرار دیا گیا ہے، یہ ٹائپ 2 ذیابیطس کے خطرے کو بڑھاتا ہے۔ اس لیے چمچوں کا استعمال کرنے کے بجائے اپنے ہاتھوں سے کھائیں تاکہ جان بوجھ کر کھانے کے دوران تھوڑی سست روی اپنائی جائے جس سے نتیجے کے طور پر ٹائپ 2 ذیابیطس کے خطرے سے بچا جائے ۔ آہستہ کھانا جب آپ ہاتھوں سے کھانا کھاتے ہیں تو آپ کسی چمچ یا کانٹے کے استعمال کی بجائے آہستہ رفتار سے کھاتے ہیں، علاوہ ازیں اس دوران آپ اپنی خوراک کو اپنے تمام حواس کیساتھ محسوس کررہے ہوتے ہیں جو آپکے کھانے کے عمل کو زیادہ موثر بناتا ہے۔ خون کی بہتر گردش ہاتھوں سے کھانا فائدہ مند ہے کیونکہ یہ ہاتھوں کے پٹھوں کی ایک ورزش بھی ہے جو خون کی گردش میں مدد فراہم کرتی ہے، ہاتھوں کی حرکت خون کے بہاؤ کو بہتر بنانے میں مدد دیتی ہے جسکا جسم کی مجموعی صحت پر مثبت اثر پڑتا ہے۔ فٹ رہنے میں مدد مندرجہ بالا فوائد کے علاوہ محققین کا کہنا ہے کہ جب چمچ وغیرہ کے بجائے کھانے میں ہاتھوں کا استعمال کیا جاتا ہے تو یہ پیٹ بھرنے اور سیر ہونے کے احساس کو فروغ دیتا ہے۔ حفظان صحت اپنے ہاتھوں سے کھانا کھانا صفائی کے پہلو سے بھی کہیں زیادہ صحت بخش ہے کیونکہ آپ دن میں کئی بار ہاتھ دھوتے ہیں جبکہ چمچ یا کانٹوں وغیرہ کی بات کی جائے تو وہ دن میں ایک یا دو بار ہی دھوتے ہیں ۔ زیادہ کھانے سے پرہیز اپنے ہاتھوں سے کھانا آپ کو زیادہ سست روی سے کھانے کی ترغیب دیتا ہے جس سے آپ کم کھانے میں بھی خود کو مطمئن محسوس کر سکتے ہیں اور زیادہ کھانے اور وزن میں اضافے سے بچ سکتے ہیں۔ ہاتھوں سے کھانے کےنقصانات اگر ہمارے ہاتھ صاف نہ ہوں تو جراثیم ہمارے کھانے کے ذریعے اندر داخل ہوسکتے ہیں تو انتہائی مہلک امراض تک کو جنم دے سکتے ہیں ۔ ناخن لمبے ہوں تو کھانے کے ذرات ان میں پھنس سکتے ہیں جو بیماریوں کا سبب بن سکتا ہے۔ کھانے سے پہلے کچھ لوشن، سینیٹائزر یا جِلد پر دیگر مواد کا استعمال کیا جائے تو آپ کھانے میں اس مواد کا ذائقہ شامل ہو سکتا ہے اور یہ بعض اوقات خطرناک بھی ہو سکتا ہے۔