کراچی:(سنو نیوز) پاکستان سٹاک مارکیٹ میں کاروبار کے آغازپر تاریخ رقم ہوگئی ہے، 100 انڈیکس پہلی مرتبہ 60 ہزار پوائنٹس کی سطح عبور کر گیا، انڈیکس 918 پوائنٹس اضافے سے 60730 کی بلند سطح پر ٹریڈ کررہا ہے۔ مارکیٹ میں 26 ارب روپے مالیت کے 77.7 کروڑ شئیرز کے سودے ہوئے، 389 کمپنیوں میں سے 175 میں مثبت جبکہ 199 میں منفی رجحان رہا۔ پاکستان سٹاک ایکسچینج کی گذشتہ ہفتے کی رپورٹ خاصی بیتر رہی تھی، رواں ہفتہ سٹاک مارکیٹ کا ایک اور تاریخ ساز کاروباری ہفتہ رہا، ہنڈرڈ انڈیکس 2023 پوائنٹس اضافے کے بعد 59086 کی حد بھی عبور کر گیا تھا۔ رواں ہفتے میں 100 انڈیکس کی بلند ترین سطح 59502 رہی تھی جبکہ 100 انڈیکس کی کاورباری ہفتے میں کم ترین سطح 56738 ر ہی تھی، معاشی ساکھ کی بحالی اور پاکستان کے کنٹری رسک پریمیم میں غیر معمولی کمی نے غیر ملکی سرمایہ کاروں کا اعتماد بحال کرنے میں مدد دی، اس ہفتے بھی سٹاک مارکیٹ نے نئی بلندیوں کی طرف سفر جاری رکھا۔

پاکستان اسٹاک مارکیٹ میں نئی تاریخ رقم!#SUNONEWSHD #StockMarket #BREAKINGNEWS pic.twitter.com/6fT5h84qWB

— SUNO NEWS HD (@suno_newshd) November 28, 2023

پانچ روز کے کاروباری سیشنز میں ہنڈرڈ انڈیکس میں 2023 سے زائد پوائنٹس کا غیر معمولی اضافہ ہوا تھا، انڈیکس نے 58 اور 59 ہزار کی دو نفسیاتی حدوں کو ایک ہی ہفتے میں عبور کر لیا، کاروباری ہفتے کے اختتام پر انڈیکس 59 ہزار 86 پوانئنٹس پر بند ہوا تھا۔ یہ بھی پڑھیں https://sunonews.tv/28/11/2023/latest/56569/ دوسری جانب انٹربینک میں ٹریڈنگ کے آغاز پر ڈالر سستا ہوا ہے، انٹربینک میں ڈالر کی قدرمیں 14 پیسے کی کمی ہو ئی، امریکی ڈالر کا بھاؤ 285 روپے 50 پیسے ہوگیا ہے۔ پاکستان سٹاک مارکیٹ میں کاروبار کے آغازپر تاریخ رقم ہوئی ہے، 100 انڈیکس پہلی مرتبہ 60 ہزار پوائنٹس کی سطح عبور کر گیا، انڈیکس 408 پوائنٹس اضافے سے 60219 کی بلند سطح پر ٹریڈ کررہا ہے۔ گذشتہ روز انٹربینک میں ٹریڈنگ کے دوران ڈالر 22 پیسے سستا ہوگیا تھا، انٹربینک میں ڈالر 285 روپے 15 پیسے پر ٹریڈ ہو رہا تھا۔ کل سٹاک مارکیٹ میں 100 انڈیکس میں 692 پوائنٹس کے ساتھ انڈیکس 59779 پر ٹریڈ کر رہی تھی، اس سے قبل 100 انڈیکس 59 ہزار 45 پوائنٹس کی سطح پر ٹریڈ کر رہا تھا۔