لاہور:(سنو نیوز) پی آئی سی میں امراض قلب کے مریضوں کے رش کو دیکھتے ہوئے وزیراعلیٰ محسن نقوی نے لاہور میں دل کا ایک اوربڑا ہسپتال بنانے کی منظوری دے دی ۔ جناح ہسپتال کی ایمرجنسی وٹراما سنٹرپراجیکٹ کی جگہ جناح انسٹی ٹیوٹ آف کارڈیالوجی بنایا جائے گا، ایمرجنسی وٹراماسنٹر کو جناح ہسپتال میں شفٹ کیاجائے گا۔ وزیراعلیٰ محسن نقوی نے پراجیکٹ کی سائٹ کا دورہ کیا اورو زیراعلیٰ محسن نقوی نے زیر تعمیر منصوبے کی سائٹ کا تفصیلی معائنہ بھی کیا،وزیراعلیٰ محسن نقوی نے عمارت کی بنیادوں کو اگلے ماہ کے وسط تک مکمل کرنے کا حکم دے دیا۔ نگران وزیراعلیٰ کو بریفنگ میں کہا گیا کہ جناح انسٹی ٹیوٹ آف کارڈیالوجی کی عمارت 7منزلہ اوربیڈز کی تعداد250ہوگی،جناح انسٹی ٹیوٹ آف کارڈیالوجی پی آئی سی کے بعد لاہور کا سب سے بڑا دل کاہسپتال ہوگا۔ بریفنگ میں سیکرٹری تعمیرات و مواصلات نے منصو بے پر ہونے والے تعمیراتی کام کے بارے میں بریفنگ دی ،صوبائی وزراء ڈاکٹر جاوید اکرم،عامر میر،سیکرٹریز صحت،تعمیرات ومواصلات،سپیشل سیکرٹری صحت،پرنسپل علامہ اقبال میڈیکل کالج،ایم ایس جناح ہسپتال اور متعلقہ حکام بھی اس موقع پر موجود تھے۔