لاہور:(سنو نیوز) یکم جنوری سے ڈرائیونگ لائسنس فیسوں میں اضافہ کیا جا رہا ہے، اضافے کے پیش نظر سی ٹی او لاہور عمارہ اطہر نے شہریوں کو جلد از جلد لائسنس بنوانے کی ہدایات جاری کردیں ہیں۔ نگران وزیراعلیٰ پنجاب کا کہنا ہے کہ راولپنڈی میں روزانہ 9 ہزار ڈرائیونگ لائسنس بن رہے ہیں، یکم جنوری سے ڈرائیونگ لائسنس کی فیس میں اضافہ ہوگا، پنجاب کی تاریخ میں پہلی بار ایک کروڑ لائسنس بن چکے ہیں۔

ڈارئیونگ لائسنس فیس میں اضافہ ! یکم جنوری سے پہلے فیس جمع کروا لیں ورنہ!
اب مزید سختی ہونے والی ہے ۔۔ کسی کو معافی نہیں ملےگی!
نگران وزیراعلیٰ پنجاب محسن نقوی نے سب کو خبردار کردیا! #mohsinnaqvi #caretaker #cmpunjab #sunonewshd pic.twitter.com/buhCzO7eVi

— SUNO NEWS HD (@suno_newshd) December 24, 2023

انہوں نے کہا کہ راوی پل کی توسیع کا کام تیزی سے جاری ہے، ترقیاتی منصوبوں کی کڑی نگرانی کی جا رہی ہے، زیرالتوا منصوبے مکمل کیے جا رہے ہیں، کوشش ہے تمام جاری منصوبے مکمل کرکے جائیں ،شاہدرہ اور امامیہ کالونی پل بھی جلدبنیں گے۔ دوسری جانب سی ٹی او لاہورعمارہ اطہر کے مطابق یکم جنوری 2024 سے ڈرائیونگ لائسنس، لرنر پرمٹ اور انٹرنیشنل لائسنس کی فیسوں میں اضافہ کردیا جائے گا، سی ٹی او لاہورعمارہ اطہر کا کہنا ہے کہ یکم جنوری سے نئے لائسنس کی فیس 5 ہزار جبکہ لرنر پرمٹ لائسنس کی فیس ایک ہزار روپے ہو جائے گی۔ یہ بھی پڑھیں https://sunonews.tv/18/04/2023/latest/18746/ عمارہ اطہر کامزید کہنا تھا کہ شہریوں کی سہولت اور آسانی کے لئے چھٹی کے روز بھی تمام لائسنس دفاتر کھلے رہیں گے، شہری اپنے نزدیکی لائسنس دفاتر جا کرلائسنس سروسز حاصل کرسکتے ہیں۔ سی ٹی او لاہور کا کہنا تھا کہ شہر میں 8 خدمت مراکز 24 گھنٹے کام کر رہے ہیں، آن لائن سروسز فراہم کرنے سے 90 فیصد رش میں کمی ہوئی ہے، کم عمر اور بغیر لائسنس ڈرائیورزکیخلاف کریک ڈاؤن میں کوئی نرمی نہیں ہوگی۔