لاہور:(سنو نیوز) پنجاب میں گذشتہ 24 گھنٹوں کے دوران ڈینگی مریضوں کی تعداد میں کافی اضافہ ہوا ہے، صوبے بھر میں 165 نئے مریضوں میں ڈینگی کی تصدیق ہوئی ہے۔ علی جان خان سیکرٹری ہیلتھ کے مطابق رواں سال پنجاب کے 36 اضلاع میں ڈینگی کے 13 ہزار دو سو 13 کنفرم مریض رپورٹ ہوئے، رواں سال لاہور میں ڈینگی کے 5926 کنفرم مریض رپورٹ ہوئے ہیں۔ لاہور میں گذشتہ روز 103 نئے مریض سامنے آئے، رواں سال راولپنڈی میں ڈینگی کے کل 2589 مریض رپورٹ ہوئے تھے، راولپنڈی میں گذشتہ روز 3 نئے مریضوں میں ڈینگی کی تصدیق ہوئی ہے۔ رواں سال گوجرانوالہ میں ڈینگی کے کل 1353 مریض رپورٹ ہوئے، گوجرانوالہ میں گذشتہ روز 22 نئے ڈینگی مریضوں کی تصدیق ہوئی۔ رواں سال ملتان میں ڈینگی کے کل 1285 مریض رپورٹ ہوئے، ملتان میں گذشتہ روز 3 نئے ڈینگی مریضوں کی تصدیق ہوئی ہے، رواں سال فیصل آباد میں ڈینگی کے کل 734 مریض رپورٹ ہوئے، فیصل آباد میں گذشتہ روز 16 نئے ڈینگی مریضوں کی تصدیق ہوئی تھی۔ گذشتہ 24 گھنٹے کے دوران شیخوپورہ میں ڈینگی کے چھ اور نارووال میں چار نئے مریض سامنے آئے، بہاولپور اور لودھراں میں ڈینگی کے دو دو نئے مریض سامنے آئے۔ گذشتہ 24 گھنٹے کے دوران اوکاڑہ، ساہیوال، چکوال اور ننکانہ صاحب میں ڈینگی کا ایک ایک نیا مریض سامنے آیا، پنجاب بھر کے ہسپتالوں میں اس وقت ڈینگی کے کل 123 مریض زیر علاج ہیں۔ ضلع لاہور کے ہسپتالوں میں اس وقت ڈینگی کے کل 65 مریض زیر علاج ہیں ،ڈینگی سے بچنے کے لئے شہری اپنے ماحول کو صاف اور خشک رکھیں۔