سنو الیکشن سیل (رپورٹ، محمد مدثر)

ضلع کوٹ ادو پاکستان کے صوبہ پنجاب کا ایک ضلع ہے۔ ضلع کا صدر مقام کوٹ ادو شہر ہے۔  حال ہی میں قائم ہونے والا ضلع کوٹ ادو پہلے مظفر گڑھ کی تحصیل تھا۔ ضلع کوٹ ادو کی ٹوٹل آبادی 13 لاکھ سے زائد ہے۔

ضلع کو انتظامی طور پر دو تحصیلوں میں تقسیم کیا گیا ہے۔

چوک سرور شہید، کوٹ ادو

ضلع میں کل 33 یونین کونسلیں ہیں۔ یہ دریائے سندھ کے بالکل مشرق میں واقع ہے، ملتان سے تقریباً 100 کلومیٹر، کراچی سے 866 کلومیٹر (538 میل)، اسلام آباد سے 600 کلومیٹر (370 میل)، ڈی جی خان سے 80 کلومیٹر، مظفر گڑھ سے 60 کلومیٹر (37 میل)، 60 کلومیٹر لیہ سے، اور تونسہ بیراج سے 16 کلومیٹر (9.9 میل)۔

کوٹ ادو شہر ہر سال سیاحوں کی بڑی تعداد کو اپنی طرف متوجہ کرتا ہے، جس کی وجہ دریائے سندھ اور دیگر چیزوں کے علاوہ عوامی باغات ہیں۔ یہاں دو اہم نہریں (مظفر، اور ٹی پی لنک) اور آٹھ ذیلی نہریں ہیں جو کوٹ ادو کو پار کرتی ہیں، جو دریائے سندھ سے پانی فراہم کرتی ہیں۔ کوٹ ادو صوبہ پنجاب کا ایک ممتاز تجارتی اور صنعتی ضلع ہے۔ یہ سڑک اور ریل کے ذریعے لاہور، کراچی، ملتان، اسلام آباد، کوئٹہ اور فیصل آباد سے منسلک ہے۔

• اہم صنعتیں: پاک عرب آئل ریفائنری (PARCO) واٹر اینڈ پاور ڈویلپمنٹ اتھارٹی (واپڈا) پاور اسٹیشنز: کوٹ ادو پاور کمپنی (کاپکو) لال پیر تھرمل پاور اسٹیشن شوگر ملز: شیخو شوگر مل فاطمہ شوگر مل فلور ملز: گیلانی فلور مل لمیٹڈ شعیب قاسم فلور مل قابل ذکر لوگ: عنایت حسین بھٹی - فلم انڈسٹری مشتاق احمد گورمانی - سابق گورنر مغربی پاکستان ملک احمد یار ہنجرا - رکن صوبائی اسمبلی پنجاب پٹھانے خان - شاعر، پرائیڈ آف پرفارمنس غلام مصطفی کھر - سابق گورنر اور وزیر اعلیٰ پنجاب حنا ربانی کھر - پاکستان کی سابق وزیر خارجہ سلطان محمود سابق وزیر میاں شبیر علی قریشی سابق وفاقی وزیر محمد اشرف خان رند - رکن صوبائی اسمبلی پنجاب ملکھا سنگھ - ہندوستانی کھلاڑی جسے "فلائنگ سکھ" کے نام سے بھی جانا جاتا ہے۔ ضلع کوٹ ادو کے مسائل: ضلع کوٹ ادو کی عوام بہت سے مسائل کا سامنا کر رہی ہے ۔ جس میں سے سر فہرست تعلیم کا مسئلہ ہے۔ خاص طو ر پر خوتین کی تعلیم کا بہت زیادہ فقدان ہے ۔ چونکہ ضلع کوٹ ادو کی عوام کا تعلق زیادہ تر مزدور طبقے سے ہے۔ پرائیویٹ سیکٹر کے تعلیمی ادارے تو ہیں مگر وہاں کی عوام غربت کی وجہ سے اپنے بچوں خصوصا خواتین کو تعلیم نہیں دلواپاتے ۔ اس لیے وہاں پہلی ترجیح جو ہونی چاہیے وہ خواتین کیلیےتعلیمی اداروں کا قائم ہو نا ہے ۔ اس کے علاوہ ضلع کوٹ ادو کی عوام جس مسئلے کا شکار ہے وہ وہاں پر ہسپتال کا نہ ہونا ہے ۔ جہاں پر ایمرجنسی کی صورت میں لوگوں کی دیکھ بھال کی جا سکے۔ اگر ایمرجنسی کا کوئی ایشو ہوتا ہے تو وہاں کی عوام کو ملتان نشتر ہسپتال جانا پڑتا ہے ۔ جو کہ کوٹ ادو سے تقریبا 100 کلومیٹر ہے۔اس لیے بہت سے لوگ وہاں پہنچنے سے پہلے جان کی بازی ہار جاتے ہیں۔مثال کے طور پر وہاں سی ٹی سکین اور ایم آر آئی جیسی بنیادی سہولیات نہیں ہیں ۔ وہاں پر نشتر ہسپتال کی طرح ایک بڑ ے ہسپتال کی ضروت ہے تا کہ لوگوں کی قیمتی جانیں بچائی جا سکیں۔ اس کے علاوہ وہاں پر ایک اور سب سے بڑا مسئلہ بہتر نہری نظام کا نہ ہونا ہے ۔اس کی سب سے بڑی وجہ وہاں پر ہیڈ تونسہ بیراج ہے ۔ جب سیلاب آتے ہیں تو وہاں پر بہتر نہری نظام نہ ہونے کی وجہ سے نہریں ٹوٹ پھوٹ کا شکار ہوتی ہیں اور وہاں کی عوام بری طرح متاثر ہوتی ہے۔ تو وہاں پر نہری نظام کو بہتر کرنے کی ضروت ہے۔ اس کے علاوہ مزید بات کی جائے تو وہاں پر سڑکیں بھی نہ ہونے کے برابر ہیں ۔ اس کے ساتھ ساتھ وہاں کی عوام اور بہت سے چھوٹے چھوٹے مسائل کا شکار ہے۔

   

2018 الیکشن رزلٹ: صوبائی اسمبلی، PP-279

جماعت	نام امیدار	حاصل کردہ ووٹ
پی ٹی آئی	محمد اشرف خان رند (ونر)	42564
ن لیگ	احمد یار ہنجرا	24676
پی پی پی پی	محمد امجد عباس	10649
آزاد	طاہر محمود پتل	3133
ٹی ایل پی	محمد یار محمود کھر	2564
آزاد	رانا عبدالعزیز	1570
آزاد	منظور حسین	177
آزاد	محمد ارشد صدیقی	-

2018  کے   عام انتخابات میں  صوبائی اسمبلی کے حلقہ 279کوٹ ادو سے  آٹھ امیدوار وں نے الیکشن لڑا۔جس میں سے پاکستان تحریک انصاف کے محمد اشرف خان رند 42564 ووٹ لیکر پہلے نمبر پر رہے۔اور دوسرے نمبر پر24676ووٹ کے ساتھ پاکستان مسلم لیگ ن کے احمد یار ہنجرا رہے۔اور تیسرے نمبر پر 10649 پاکستان پیپلز پارٹی کے محمد امجد عباس رہے۔اور محمد ارشد صدیقی کوئی ووٹ حاصل نہیں کر سکے۔

قومی اسمبلی: NA-181

 

جماعت	نام امیدار	حاصل کردہ ووٹ
آزاد	محمد شبیر علی قریشی	64012
ن لیگ	سلطان محمود ہنجرا	54191
پی ٹی آئی	ملک غلام مصطفیٰ کھر	48858
پی پی پی پی	چوہدری احسن الحق	19599
آزاد	محمد اشرف خان رند	3845
آزاد	محمد سجاد شاہد	3397
اےاے ٹی	بینظیر فاطمہ	1330
آزاد	احمد یار	1069
آزاد	فاروق الرحمان	753
آزاد	خالدہ پروین	616
پی این ایم ایل	افتخار علی	202

• 2018 ء کے عام انتخابات میں قومی اسمبلی کے حلقہ 181کوٹ ادو سے  11 امیدواروں نے الیکشن لڑا۔ جس میں سے آزاد امیدوار محمد شبیر علی قریشی 64012 لے کر کامیاب  ہوئے۔ دوسرے نمبر پر مسلم لیگ ن کے سلطان محمود ہنجرا 54191 رہے۔اور تیسرے نمبر پر پی ٹی آئی کے ملک غلام مصطفیٰ کھر 48858ووٹ لیکر رہے۔ باقی امیدوار اتنےزیادہ ووٹ حاصل نہیں کر سکے  تھے۔

الیکشن 2024ء:

قومی اسمبلی حلقہ 2018	قومی اسمبلی حلقہ 2024	صوبائی اسمبلی 2018	صوبائی اسمبلی 2024	اہم علاقے 2024
181	179	279	276	چوک سرور شہید تحصیل; تحصیل کوٹ ادو کے مندرجہ ذیل علاقے; شادی خان منڈا پٹوار سرکل کوٹ ادو نمبر 2 کاننگو ہلکا؛ پتی دیا چوکھا اوول؛پٹی غلام علی غربی؛پٹی نائچ؛
	178		277	تحصیل کوٹ ادو کے مندرجہ ذیل علاقے میونسپل کمیٹی سیناواں (چارج نمبر 13) (i) گجرات قانون گو حلقہ (ii) حلقہ قانون گو تنظیم؛ (iv) سینا اور قانونگو حلقہ فالونگ کو چھوڑ کر پٹوار حلقے: (1) پٹی دیا چوکھا اوول۔ (2) پٹی غلام علی غربی ۔ (3) پٹی نائچ۔
			278	تحصیل کوٹ ادو کے مندرجہ ذیل علاقے (a) ٹاؤن کمیٹی دائرہ دین پنہ (چارج نمبر 1 1) (b) میونسپل کمیٹی کوٹ ادو (چارج نمبر 9 اور 10) (c) دائرہ دین پنہ قانونگو حلقہ (d) کوٹ ادو نمبر ایل قانون گو حلقہ (e) شادی خان کو چھوڑ کر کوٹ ادو نمبر 2 قانون گو حلقہ منڈا پٹوار سرکل؛

 

2024 قومی اسمبلی کے حلقہ179کے متوقع   امیدوار:

2024قومی اسمبلی کے حلقہ 179 کے  متوقع امیدوار کے طور پر  ملک غلام قاسم ہنجرا اور میاں محمد شبیر علی قریشی اور میاںامجد عباس قریشی    سامنے آرہے ہیں۔ملک غلام قاسم ہنجرا پاکستان مسلم لیگ ن کے ٹکٹ  کے مضبوط امیدوار ہیں جبکہ محمد شبیر علی قریشی  پاکستان تحریک انصاف کے ٹکٹ کے مضبوط امیدوار  اور میاں امجد عباس قریشی پاکستان پیپلز پارٹی  کے مضبوط امیدوار کے طور پر سامنے آرہےہیں۔

2024 قومی اسمبلی کے حلقہ180کے متوقع   امیدوار:

2024 قومی اسمبلی کے حلقہ 180کےمتوقع  امیدوار ملک رضا ربانی کھر اور میاں ٖفیاٖض حسین چھجڑا  اور ملک سلطان محمود ہنجرا مضبوط امیدوار کے طور پر سامنے آرہے ہیں۔ملک رضا ربانی کھر پاکستان پیپلز پارٹی  کے مضبوط امیدوار کے طور پر سامنے  آرہے ہیں  جبکہ میاں فیاض حسین چھجڑا پاکستان تحریک انصاف کے اور ملک سلطان محمود ہنجرا  پاکستان مسلم لیگ ن کے  مضبوط امیدوار کے طور پر سامنے آرہے ہیں۔

2024 کے صوبائی اسمبلی حلقہ 276کے متوقع امیدوار:

2024 کے صوبائی اسمبلی حلقہ 276کےمتوقع امیدوارذیشان گرمانی اور نیاز احمد گشکوری    اور پیر جعفر مزمل مضبوط امیدوار کے طور پر سامنے آرہے ہیں۔نیاز احمد گشکوری جوکہ سابق پاکستان تحریک انصاف کے صوبائی اسمبلی کے ممبر بھی رہے ہیں۔اور اب پاکستان تحریک انصاف کا حصہ نہیں ہیں۔ وہ استحکام پارٹی سے الیکشن لڑیں گے۔ اور دوسری جانب ذیشان گرمانی متوقع طور پر پاکستان پیپلز پارٹی کے امیدوار ہوںگے۔

2024 کے صوبائی اسمبلی حلقہ 277کے ممکنہ امیدوار:

2024 کے صوبائی اسمبلی حلقہ 277کے ممکنہ امیدوار کے طور پر   امجد عباس چانڈیہ اور ملک مرتضیٰ رحیم کھر سامنے آرہے ہیں۔امجد عباس چانڈیہ اور ملک مرتضیٰ رحیم کھرکے حوالے سے ابھی کوئی اطلاعات نہیں ہیں کہ یہ دونوں کس پارٹی سے الیکشن لڑ رہے ہیں ۔

2024 کے صوبائی اسمبلی حلقہ 278کے متوقع امیدوار:

2024 کے صوبائی اسمبلی حلقہ 278کے ممکنہ مضبوط   امیدوارملک احمد یار ہنجرا اور محمد اشرف خان رند   اور  خالدہ محسن قریشی  اور شہباز غوث بخاری  سامنے آرہے ہیں۔محمد اشرف خان رند جوکہ سابق پاکستان تحریک انصاف کے صوبائی اسمبلی کے ممبرز رہے ہیں۔ اب چونکہ وہ پاکستان تحریک انصاف کو خیر باد کہہ چکے ہیں۔ اس لیے ابھی یہی لگ رہا ہے کہ وہ استحکام پاکستان پارٹی کے حامی ہیں اور اسی کی ٹکٹ سے الیکشن لڑیں گے اور جہاں تک بات ہے ملک احمد یار ہنجرا کی تو وہ پہلے بھی مسلم لیگ ن کے امیدوار ہوتے ہیں اور اس دفعہ بھی وہ یقینی طور پر وہ مسلم لیگ ن کے امیدوارہیں۔ شہباز غوث بخاری متوقع طور پر پاکستان تحریک انصاف کے امیدوار ہوںگے۔ اور جہاں تک خالدہ محسن قریشی  کی بات ہے تو انکا ابھی کنفرم نہیں ہے کہ وہ کس پارٹی سے الیکشن لڑیں گے۔