کراچی:(سنو نیوز) سونے کی قیمت میں معمولی کمی ہوئی ہے، 200 روپے کمی سے فی تولہ سونا 2 لاکھ 6 ہزار 300 روپے کا ہو گیا، 10 گرام سونا 171 روپے سستا ہو کر 1 لاکھ 76 ہزار 869 روپے کا ہوگیا۔ عالمی منڈی میں سونا 13 ڈالر اضافے سے 1972 ڈالر فی اونس ہو گیا ہے۔ خیال رہے کہ گذشتہ روز سونا 6400 روپے مہنگا ہو گیا تھا، ایک تولہ سونے کی قیمت 2 لاکھ 6 ہزار 500 روپے ہو گئی تھی۔ عالمی مارکیٹ میں سونے کی قیمت میں 36 ڈالر کا اضافہ ہوا تھا،عالمی مارکیٹ میں سونا 1959 ڈالر فی اونس میں فروخت ہو رہا ہے۔ گذشتہ دنوں سونے کی قیمت میں بڑی کمی واقع ہوئی تھی، کچھ دن قبل عالمی منڈی میں سونا مہنگا ہونے کے باوجود ملک میں سونا 7800 روپے تک سستا ہوا تھا۔ فی تولہ سونا 1 لاکھ 97 ہزار 200 روپے کا ہوگیا تھا، 10 گرام سونا 6684 روپے کمی سے 1 لاکھ 69 ہزار 70 روپے کا ہوگیا تھا۔ دوسری جانب انٹربینک میں آج پھر ڈالر کی قدر میں کمی آئی ہے، ٹریڈنگ کے آغاز پر ڈالر 2 روپے 29 پیسے سستا ہونے کے بعد 278 روپے کا ہو گیا، گذشتہ روز ڈالر 280 روپے 29 پیسے پر بند ہوا تھا۔ پاکستان سٹاک ایکسچینج میں ہفتے کے چوتھے روز کاروبار کے آغاز پر سٹاک مارکیٹ میں مثبت آغاز رہا، 100 انڈیکس 92 پوائنٹس اضافے سے 49524 کی سطح پر ٹریڈ کر رہا ہے۔ اوپن مارکیٹ میں ڈالر 279 روپے کا ہو گیا، اوپن مارکیٹ میں یورو 1 روپے کمی سے 295 روپے کا ہوگیا، برطانوی پاؤنڈ 2 روپے کمی سے 345 روپے پر آ گیا، اماراتی درہم 1 روپے مہنگا ہو کر 77.75 روپے پر پہنچ گیا جبکہ سعودی ریال 25 پیسے کمی سے 75.25 روپے کا ہوگیا۔ یہ بھی پڑھیں: سونے کی فی تولہ قیمت میں بڑا اضافہ خیال رہے کہ گذشتہ روز کرنسی مارکیٹ میں روپے کے راج کو بڑا دھچکا لگا تھا، امریکی کرنسی نے روپے کو مشکل میں ڈال دیا تھا، ڈالر کی ڈیمانڈ میں اچانک اضافے سے روپے کی قیمت گرنا شروع ہو گئی ہے۔ انٹربینک میں ڈالر 3 روپے 26 پیسے مہنگا ہو کر 280 روپے 29 پیسے پر بند ہوا تھا، اوپن مارکیٹ میں بھی ڈالر تین روپے مہنگا ہو کر 281 روپے پر پہنچ گیا تھا۔ ادھر روپے کا ایکس چینج ریٹ 103 کی سطح عبور کر گیا جس پر اسٹاک مارکیٹ میں کھلبلی مچ گئی تھی۔ سرمایہ کاروں نے مال بیچ کر منافع کمانے میں عافیت سمجھی۔ ہنڈرڈ انڈیکس 99 پوائنٹس مندی کے بعد 49 ہزار 431 پر بند ہوا، فروخت کے دباؤ کے باعث سرمایہ کار 27 ارب روپے گنوا بیٹھے۔ مارکیٹ میں 8 ارب 82 کروڑ روپے مالیت کے 33 کروڑ حصص کا لین دین ہوا۔