بیجنگ:(ویب ڈیسک) دنیا میں سمارٹ موبائل بنانیوالی چینی کمپنی ’اوپو‘ بہترین کیمروں کے حامل فونز متعارف کرانے کیوجہ سے شہرت رکھتی ہے، جہاں دنیا میں موبائل کمپنیاں 3 سے 4 کیمروں والے فون بنا رہے ہیں وہاں اوپو نے حیران کن طور پر سنگل بیک کیمرا کے ساتھ فون پیش کردیا ہے۔ اوپو کمپنی نے ہمیشہ سے ہی دعویٰ کیا ہے کہ اسکے فونز کے کیمرے دیگر موبائل کمپنیوں کے موبائل کے کیمروں سے بہترین ہوتے ہیں اور اچھے کیمروں کے باوجود مناسب قیمت پر فونز متعارف کرانے کے حوالے سے بھی اوپو کمپنی کو دنیا شہرت بھی حاصل رہی ہے۔ اب اوپو کمپنی نے حیران کن طور پر ایک ہی بیک کیمرے کے حامل فون (اوپو اے 2 ایکس )کو پیش کیا ہے،اوپو اے 2 ایکس کو6 انچ سکرین اور 5 ہزار ایم اے ایچ کی طاقتور بیٹری کیساتھ متعارف کرایا گیا ہے۔ اگرچہ اسکے ساتھ فاسٹ چارجر دیا گیا ہے تاہم اسکے والٹیج کا اعلان نہیں کیا گیا،فون کو 8 اور 12 جی ریم جب کہ 128 اور 256 جی بی ریم کو دو مختلف ماڈیولز میں پیش کیا گیا ہے۔ اوپو اے 2 ایکس میں فنگرپرنٹ سینسر دیے گے ہیں ،اس فون کو اینڈرائیڈ 13 کے آپریٹنگ سسٹم جبکہ ڈائمنسٹی ہولیو ٹیک کی چپ کے ساتھ متعارف کرایا گیا ہے۔ اس فون کی سب سے کمزور بات اسکے بیک پر ایک ہی 13 میگا پکسل کیمرا دیا گیا ہے جبکہ اسکے فرنٹ پر بھی انتہائی کم یعنی 5 میگا پکسل کیمرا دیا گیا ہے۔ یہ بھی پڑھیں: چین کی 6 جی نیٹ ورک کی تیاری میں اہم پیشرفت اگرچہ یہ فون میں سنگل کیمرے دیے گئے ہیں لیکن اوپو کمپنی کا دعویٰ ہے کہ انکے سینسرز کو اپگریڈ کرکے ان میں مصنوعی ذہانت کے فیچر بھی دیےہیں۔ اوپو اے 2 ایکس میں سنگل کیمرے دیے جانے کے باوجود اسکی قیمت بھی زیادہ رکھی گئی ہے اور 8 جی بی ریم اور 128 جی بی میموری کے ماڈیول کی قیمت پاکستانی 42 ہزار روپے رکھی گئی ہے۔ اسی طرح 12 جی بی ریم اور 256 جی بی میموری ماڈیول کی پاکستانی قیمت 52 ہزار روپے رکھی گئی ہے جسے صارفین زیادہ قرار دے رہے ہیں۔ عام طور پر 52 ہزار کی قیمت تین بیک کیمروں کے حامل فونز مل جاتے ہیں، تاہم حالیہ وقت میں ڈالرز کے دام بڑھنے سے بعض موبائلز کی قیمت بہت زیادہ بڑھ چکی ہیں۔