لاہور:(سنو نیوز) پنجاب میں گذشتہ 24 گھنٹوں کے دوران 181 نئے مریضوں میں ڈینگی کی تصدیق ہوئی ہے، رواں سال پنجاب کے 36 اضلاع میں ڈینگی کے 12 ہزار 45 کنفرم مریض رپورٹ ہوئے۔ علی جان خان سیکرٹری صحت کے مطابق رواں سال لاہور میں ڈینگی کے 5317 کنفرم مریض رپورٹ ہوئے، لاہور میں گذشتہ روز 92 نئے مریض سامنے آئے، رواں سال روالپنڈی میں ڈینگی کے کل 2515 مریض رپورٹ ہوئے، راولپنڈی میں گذشتہ روز 8 نئے مریضوں میں ڈینگی کی تصدیق ہوئی۔ رواں سال ملتان میں ڈینگی کے کل 1178 مریض رپورٹ ہوئے، ملتان میں گذشتہ روز 17 نئے ڈینگی مریضوں کی تصدیق ہوئی، رواں سال گوجرانوالہ میں ڈینگی کے کل 1172 مریض رپورٹ ہوئے، گوجرانوالہ میں گذشتہ روز 32 نئے ڈینگی مریضوں کی تصدیق ہوئی۔ رواں سال فیصل آباد میں ڈینگی کے کل 633 مریض رپورٹ ہوئے، فیصل آباد میں گذشتہ روز 9 نئے ڈینگی مریضوں کی تصدیق ہوئی، گذشتہ روز نارووال میں ڈینگی کے چار نئے مریض رپورٹ ہوئے، گذشتہ 24 گھنٹے کے دوران شیخوپورہ، اٹک اور اوکاڑہ میں ڈینگی کے تین تین نئے مریض رپورٹ ہوئے ہیں۔ گذشتہ روز ڈیرہ غازی خان میں ڈینگی کے دو نئے مریض رپورٹ ہوئے، قصور، سرگودھا، سیالکوٹ، ٹوبہ ٹیک سنگھ، جھنگ، حافظ آباد، راجن پور اور جہلم میں ڈینگی کا ایک ایک نیا مریض سامنے آیا۔ یہ بھی پڑھیں: چکن گونیا کیلئے پہلی ویکسین کی منظوری پنجاب بھر کے ہسپتالوں میں اس وقت ڈینگی کے کل 160 مریض زیر علاج ہیں، ضلع لاہور کے ہسپتالوں میں اس وقت ڈینگی کے کل 77 مریض زیر علاج ہیں ۔ دوسری جانب بلوچستان میں کانگو وائرس کےبڑھتے ہوئے کیسز کے پیش نظر پنجاب میں محکمہ لائیو سٹاک میں ہائی الرٹ جاری کردیا گیا ہے۔ صوبائی وزیر ابراہیم مراد نے صوبہ بھر میں قائم تمام لائیو سٹاک سینٹرز میں اینٹی کانگو سپرے لازمی کروانے کی ہدایات جاری کر دیں ہیں، صوبائی وزیر کی ہدایت پر سیکرٹری لائیو سٹاک کی آن لائن میٹنگ تمام اضلاع سے ذمہ داران نے میٹنگ میں شرکت کی۔ میٹنگ میں ایس او پیز پر عملدرآمد کرانے پر زور دیا گیا، پنجاب میں ابھی تک کوئی ایسا کیس رپورٹ نہیں ہوا، سو سے زائد نسلوں میں سے کسی ایک نسل میں یہ وائرس پایا جاتا ہے ۔ صوبائی وزیر لائیو سٹاک ابراہیم حسن مراد نے کہا کہ وائرس متاثرہ شخص سے دوسرے شخص میں بھی پھیل سکتا ہے، کانگو ایک ٹِک بورن وائرل بیماری ہے، متعدد جنگلی اور گھریلو جانور اس سے متاثر ہوسکتے ہیں ، احتیاط لازمی ہے تاہم گھبرانے کی کوئی بات نہیں ہے ، محکمہ لائیو سٹاک ایس او پیز پر عملدرآمد یقینی بنا کر جانوروں کو محفوظ رکھ رہا ہے ۔