لاہور: (سنو نیوز) پاکستانی نژاد امریکی گلوکارہ عروج آفتاب کو 2024 کے گریمی ایوارڈز کے لیے دو کیٹیگریز میں نامزد کر دیا گیا جو موسیقی کی صنعت کا سب سے بڑا اعزاز ہے۔

 

View this post on Instagram

 

A post shared by Arooj Aftab (@aroojaftab)

پاکستان کی گلوکارہ عروج آفتاب جنہوں نے 2022 میں اپنا پہلا گریمی جیتا ان کو 2024 کے گریمی ایوارڈز کے لیے دو کیٹیگریز میں نامزد کیا گیا ہے جو موسیقی کی صنعت کا سب سے بڑا اعزاز ہے۔ یہ چار فروری کو لاس اینجلس کے کریپٹو ڈاٹ کام ایرینا میں منعقد ہوگا۔

 

View this post on Instagram

 

A post shared by Arooj Aftab (@aroojaftab)

عروج آفتاب گذشتہ سال بہترین گلوبل پرفارمنس کیٹیگری میں اپنے گانے محبت کے لیے گریمی جیتنے والی اولین پاکستانی گلوکارہ بنیں۔ اس سال انہیں بہترین متبادل جاز البم کے زمرے میں نامزد کیا گیا ہے جو نئے متبادل جاز ریکارڈنگز کے 75 فیصد سے زیادہ پلے ٹائم والے صوتی یا سازینہ پر مشتمل البمز کے لیے ہے۔ اس کے ساتھ ساتھ یہ زمرہ بہترین عالمی میوزک پرفارمنس، نئی آواز یا سازینہ عالمی موسیقی کی ریکارڈنگ میں ایوارڈ دیتا ہے۔

 

View this post on Instagram

 

A post shared by Arooj Aftab (@aroojaftab)

پاکستانی گلوکارہ نے گذشتہ سال 64 ویں گریمی ایوارڈز میں اس زمرے میں جیتنے کے بعد اسٹیج پر کہا تھا کہ مجھے لگتا ہے کہ یہ زمرہ (بہترین عالمی کارکردگی) اپنے آپ میں پاگل ہے۔ اسے یاٹ پارٹی کیٹیگری کہا جانا چاہیے، میں نے (یہ ریکارڈ) ہر اس چیز کے بارے میں بنایا جس نے مجھے توڑا اور دوبارہ جوڑا۔ اسے سننے اور اسے اپنا بنانے کے لیے آپ کا بیحد شکریہ۔ عروج آفتاب کو سال 2021 میں پہلی بار ’گریمی‘ ایوارڈ کے لیے نامزد کیا گیا تھا اور انہوں نے 2022 کے گریمی ایوارڈز میں اپنے گانے ’محبت‘ کے لیے بہترین گلوبل میوزک پرفارمنس کا ایوارڈ جیتا تھا۔ دوسری بار انہیں سال 2023 کے گریمی ایوارڈز کے لیے نامزد کیا گیا تھا تاہم وہ دوسرا گریمی ایوارڈ حاصل کرنے میں ناکام رہیں۔ اب انہیں مسلسل تیسرے سال ایک بار پھر گریمی ایوارڈز کے لیے نامزد کیا گیا ہے، لیکن اس بار وہ حیران کن طور پر دو کیٹیگریز کے لیے نامزد ہوئی ہیں۔ تقریباً 15 سال سے نیویارک میں مقیم 37 سالہ گلوکارہ اپنے کام کے لیے مسلسل عالمی توجہ حاصل کر رہی ہیں جو قدیم صوفی روایات کو لوک اور جاز موسیقی کے ساتھ ملاتا ہے۔

 

View this post on Instagram

 

A post shared by Arooj Aftab (@aroojaftab)

اس بار ایوارڈز کے لیے 94 کیٹیگریز میں نامزدگیوں کا اعلان کیا گیا ہے، جس میں سے ’بیسٹ گلوبل میوزک پرفارمنس‘ اور ’بیسٹ آلٹرنیٹوو جاز البم‘ کی کیٹیگریز میں پاکستانی گلوکارہ کو نامزد کیا گیا ہے۔ 66 ویں گریمی میں 7 بار نامزد ہونے کے ساتھ امریکی گلوکارہ ٹیلر سوفٹ گریمی ایوارڈ کے لیے سب سے زیادہ نامزد ہونے والی گلوکارہ بن گئی ہیں۔

 

View this post on Instagram

 

A post shared by Arooj Aftab (@aroojaftab)

ٹیلر سوفٹ کو ’گریمی‘ کی تین بڑی کیٹگریز ’ریکارڈ آف دی ایئر، ایلبم آف دی ایئر اور سانگ آف دی ایئر‘ میں نامزد کیا گیا ہے۔ ٹیلر سوفٹ اگر ایوارڈ حاصل کرنے میں کامیاب ہوجاتی ہیں تو تو وہ چار بار سال کا بہترین البم جیتنے والی پہلی فنکارہ بن جائیں گی۔

 

View this post on Instagram

 

A post shared by Arooj Aftab (@aroojaftab)

مجموعی طور پر ٹیلر سوفٹ نے 7 نامزدگیاں حاصل کیں جب کہ دیگر اہم گلوکاروں نے بھی 6 اور 7 نامزدگیاں حاصل کی ہیں۔ اس کے علاوہ امریکی گلوکارہ لانا ڈیل ری اور دعا لیپا سال کے بہترین گانے کے لیے نامزدگیوں میں شامل ہیں۔ امریکی گلوکارہ بلی ایلش، جون بٹسٹ اور ایس زیڈ اے بھی نامزدگیوں میں شامل ہیں۔

 

View this post on Instagram

 

A post shared by NPR Music (@nprmusic)

یاد رہے کہ سعودی عرب اور پاکستان میں پرورش پانے کے بعد عروج آفتاب 19 سال کی عمر میں بوسٹن کے برکلے کالج آف میوزک میں شرکت کے لیے امریکہ چلی گئیں۔ اس وقت بروکلین میں مقیم گلوکارہ/نغمہ نگار نے 2010 کے عشرے کے وسط میں پہلی بار برڈ انڈر واٹر اور سائرن آئی لینڈز کے لیے ناقدین کی منظوری اور پذیرائی حاصل کی لیکن یہ 2021 کا وولچر پرنس تھا جس نے عروج آفتاب کو شہرت کی بلندی پر پہنچا دیا، ایک نازک، سات ٹریک پراجیکٹ جو ان کے مرحوم بھائی کی یاد میں تھا۔