لاہور: (ویب ڈیسک) جب آپ تیز رفتار اور مہنگی سپورٹس کاروں کی بات کرتے ہیں تو سب سے پہلے جو نام آتا ہے وہ فراری ہے۔ اگرچہ تمام فراری خاص ہیں،لیکن ان میں سے کچھ انتہائی خاص ہیں، اس وجہ سے ان کی مالیت کروڑوں ڈالر ہے۔

فراری کاروںنے تاریخ میں ایسے ریکارڈ بنائے ہیں جنہیں توڑنا بہت مشکل ہے۔ اسی طرح کا ایک ماڈل اب نیلامی میں 51.7 ملین ڈالر میں فروخت ہوا ہے، جو دنیا کی سب سے مہنگی فراری کار بن گئی ہے۔ یہ 1962ء کی فیراری 250 GTO ہے۔

دنیا کی مہنگی ترین کار نہ بن سکی:

نیلامی سے قبل یہ توقع کی جا رہی تھی کہ یہ 60 سال سے زیادہ پرانی فراری 250 جی ٹی او دنیا کی مہنگی ترین کار بن سکتی ہے لیکن ایسا نہیں ہوا۔ یہ دنیا کی دوسری مہنگی ترین کار بن گئی ہے کیونکہ پہلے نمبر پر مرسڈیز 300 SLR Uhlenhaupt Coupe ہے، جو نیلامی میں 143 ملین ڈالرمیں فروخت ہوئی تھی۔

فراری کا نیا مالک کون؟

غور طلب ہے کہ Ferrari 250 GTO جس کی نیلامی ہوئی تھی اصل میں 4.0 لیٹر کا V12 انجن تھا۔ بحال اور تبدیل شدہ Ferrari 250 GTO بہت سے لوگوں کی ملکیت رہی۔ تاہم اب اس بارے میں کوئی اطلاع نہیں ہے کہ اسے نیلامی میں کس نے خریدا ہے۔ اس کی نیلامی پیر کو نیویارک میں ہوئی۔

1962 ء فیراری 250 GTO اتنی خاص کیوں ہے؟

آپ کو بتاتے چلیں کہ 1962 ء میں یہ کار جرمن Nürburgring Nordschleife سرکٹ پر 1000 کلومیٹر کی دوڑ میں دوسرے نمبر پر رہی تھی۔ اسی سال لی مینز 24 آورز میں بھی شرکت کرنا تھی لیکن حصہ نہ لے سکی۔ انجن فیل ہونے کی وجہ سے ٹیم کو پیچھے ہٹنا پڑا تھا۔