کراچی:(سنو نیوز) اکتوبر 2023 کا مہینہ گاڑیوں کی فروخت کے لیے کارگر نہیں رہا، ماہانہ اور سالانہ بنیادوں پر گاڑیوں کی فروخت میں نمایاں کمی رہی ۔ ستمبر 2023 کے مقابلے اکتوبر 2023 میں 26 فیصد کمی گاڑیاں فروخت ہوئیں، اکتوبر 2023 میں 6 ہزار 180 گاڑیاں مجموعی طور پر فروخت ہوئیں تھیں۔ ستمبر 2023 میں 8 ہزار 132 گاڑیاں فروخت ہوئیں تھیں، سالانہ بنیادوں پر گاڑیوں کی فروخت میں 54 فیصد کی نمایاں کمی دیکھی گئی، اکتوبر 2022 میں 13 ہزار 571 گاڑیاں فروخت ہوئی تھیں، مالی سال ابتدائی چار ماہ میں گاڑیوں کی فروخت میں 44 فیصد کی نمایاں کمی ہوئی۔ جولائی 2023 سے اکتوبر 2023 کے دوران 27 ہزار 163 گاڑیاں فروخت کی گئیں، مالی سال 2022-23 کے اسی عرصے میں 48 ہزار 573 گاڑیاں فروخت ہوئی تھیں۔ ستمبر میں گاڑیوں کی فروخت میں ماہانہ بنیادوں پر بہتری دیکھنے میں آئی تھی، اگست کے مقابلے جولائی میں گاڑیوں کی فروخت میں 8 فیصد اضافہ رہا ہے۔ ستمبر میں 6 ہزار 410 گاڑیاں مجموعی طور پر فروخت ہوئیں، اگست میں 5 ہزار 909 گاڑیاں فروخت ہوئیں تھیں۔ یہ بھی پڑھیں: ڈالر مزید مہنگا ستمبر 2022 میں 9 ہزار 213 گاڑیاں فروخت ہوئی تھیں، مالی سال کی پہلی سہ ماہی کے دوران گاڑیوں کی فروخت میں 44 فیصد کی نمایاں کمی رہی ہے۔ سہ ماہی کے دوران 16 ہزار 21 گاڑیاں فروخت کی گئیں ہیں، مالی سال 2022-23 کی پہلی سہ ماہی 28 ہزار 571 گاڑیاں فروخت ہوئی تھیں۔ واضح رہے کہ گذشتہ 3 مہینوں میں بینکوں سے گاڑیوں کی فنانسنگ 13 ماہ کی کم ترین سطح پر آ گئی تھی، سالانہ بنیادوں پر کار فنانسنگ میں 20 فیصد کی نمایاں کمی ہوئی ہے۔ جولائی 2023 میں آٹو سیکٹر 76 ارب روپے کمی سے 285 ارب روپے کی فنانسنگ کی گئی جبکہ جولائی 2022 میں آٹو سیکٹر میں 361 ارب روپے کی فنانسنگ کی گئی تھی۔ گذشتہ سال جولائی سے آٹو فنانسنگ میں تسلسل سے گراوٹ کا رجحان ہے۔ دوسری جانب کچھ ماہ قبل سوزوکی کمپنی نے اپنی گاڑی کلٹس کا نیا ماڈل متعارف کرایا تھا، کمپنی کے جاری بیان میں کہا گیا تھا کہ کلٹس کے نئے ماڈل میں جدید ترین ایئر بیگز رکھے گئے ہیں، ان کی مدد سے ناصرف ڈرائیور حضرات بلکہ مسافروں کی حفاظت کو بھی ملحوظ خاطر رکھا گیا ہے۔ یہ ایئر بیگز ڈبل ایس آر ایس ہیں اس کے علاوہ گاڑی میں پیٹرول کا بہترین مائلیج رکھا گیا ہے جس سے سفر کم لاگت ہوگا۔