لاہور: (سنو ٹی وی) پاکستان کرکٹ بورڈ (پی سی بی) نے ٹیسٹ، ون ڈے اور ٹی ٹونٹی فارمیٹس کیلئے الگ الگ کپتان بنانے پر غور شروع کر دیا ہے۔ ذرائع کا کہنا ہے کہ بابر اعظم کی کپتانی محدود کی جا سکتی ہے۔

ذرائع کے مطابق قومی کرکٹ ٹیم کے کپتان بابر اعظم کو ایک فارمیٹ تک کپتان رکھے جانے کا امکان ہے۔ پی سی بی کے سینئر آفیشل نے تینوں فارمیٹس کے لیے الگ الگ کپتان کا اشارہ دیا ہے۔ پاکستان کرکٹ بورڈ تینوں فارمیٹ کے لیے الگ الگ کپتان بنانا چاہتا ہے۔

تینوں فارمیٹ کا کپتان ہونے کی وجہ سے بابر اعظم کا اثر و رسوخ بہت زیادہ بڑھ گیا تھا، اس لیے بورڈ نے ان کا بوجھ اور اثر و رسوخ کم کرنے کا فیصلہ کیا ہے۔