کراچی: (ویب ڈیسک) پاکستان میں فی تولہ گولڈ کی قیمت میں 1300 روپے کا اضافہ دیکھا گیا ہے۔ اس اضافے سے دو لاکھ تیرہ ہزار ایک سو روپے ہو گئی ہے۔

صرافہ مارکیٹ کی جانب سے جاری ریٹس کے مطابق اس کے علاوہ دس گرام سونے کی قیمت 1114 روپے کے اضافے سے ایک لاکھ بیاسی ہزار 698 روپے پر چلی گئی ہے۔ دوسری جانب انٹرنیشنل مارکیٹ کی بات کی جائے تو گولڈ کی قیمت میں سات ڈالر اضافے کے ساتھ 1 ہزار 975 ڈالر فی اونس تک جا پہنچی ہے۔

یہ بھی پڑھیں:سونے کی قیمت میں بڑی کمی

خیال رہے کہ گذشتہ روزبین الاقوامی مارکیٹ میں فی اونس سونے کی قیمت 20ڈالر کی کمی سے 1968ڈالر کی سطح پر پہنچ گئی تھی۔ جس کے باعث پاکستان بھر میں سونے کی قیمتوں میں بڑی کمی ریکارڈ کی گئی ۔

مقامی صرافہ مارکیٹوں میں جمعرات کو 24قیراط کے حامل فی تولہ سونے کی قیمت 2400روپے گھٹ کر 211800روپے جبکہ دس گرام سونے کی قیمت 2058روپے گھٹ کر 181584روپے ہوگئی تھی۔

دوسری طرف فی تولہ چاندی کی قیمت بغیر کسی تبدیلی کے 2580روپے اور فی دس گرام چاندی کی قیمت بھی بغیر کسی تبدیلی کے 2211.93روپے پر مستحکم رہی ۔گذشتہ دنوں پاکستان کی صرافہ مارکیٹ میں 24 قیرات سونے کی فی تولہ قیمت 200 روپے کمی کے بعد 2 لاکھ 14 ہزار روپے جبکہ 10 گرام 172 روپے سستا ہو نے کے بعد ایک لاکھ 83 ہزار 470 روپے کا ہو گیا تھا ۔

کچھ دن قبل عالمی اور مقامی مارکیٹ میں سونے کی قیمت میں اضافہ ہوا تھا، بین الاقوامی مارکیٹ میں سونے کی فی اونس قیمت میں 7 ڈالر کا اضافہ ہوا تھا، جس سے نئی قیمت 2 ہزار 12 ڈالر کی سطح پر پہنچ گئی تھی۔