نیویارک:(ویب ڈیسک) دنیا میں مختلف فلیور کے پیزا کھائے جاتے ہیں لیکنٍ آج ہم آپکو ایک ایسے فلیور کے پیزے کے بارے میں بتائیں گے جس کو جان کر آپ حیران رہ جائیں گے۔ عالمی میڈیا کی رپورٹس کے مطابق امریکا کی مشہور پیزا کمپنی نے ہانگ کانگ کے ایک قدیم پیزا ریسٹورینٹ کیساتھ مل کر ایک روایتی ڈش کو ایک نیا رنگ دیکر پیزا بنانے کی کوشش کی ہے جسکو اس ریسٹورینٹ نے سانپ پیزا کا نام دیا ہے۔ اس نئے سانپ کے فلیور کے پیزا میں سانپ کے گوشت کیساتھ ساتھ کالی مشروم اور سور کا گوشت بھی شامل کیا گیا ہے جبکہ اس پیزے میں مخصوص قسم کے ساسز بھی استعمال کیے گئے ہیں۔ میڈیا کی رپورٹس کے مطابق اس قسم کے سانپ کے گوشت کو ہانگ کانگ میں بہت شوق سے کھایا جاتا ہے اور وہاں لوگ خاص طور پر اس قسم کے سانپ کو سرد موسم میں زیادہ کھاتے ہیں کیونکہ سردیوں میں اس کی مانگ میں اضافہ ہوجاتا ہے۔ یہ بھی پڑھیں:امریکا میں چیریٹی شاپ سے انسانی کھوپڑی دریافت ہانگ کانگ کے مقامی شہریوں کا کہنا ہے کہ اس قسم کے سانپ کے گوشت میں بہت سی خصوصیات ہوتی ہیں جو جلد کو بہتر کرنے اور سردیوں کے موسم میں انسانی جسم کو گرم رکھنے میں بہت مدد فراہم کرتی ہیں۔ ہانگ کانگ کے علاوہ ویتنام اور تھائی لینڈ سمیت دنیا کے مختلف مغربی ممالک میں بھی سانپ کے گوشت کا استعمال کیا جاتا ہے۔