کولکتہ:(ویب ڈیسک) قومی ٹیم کے کھلاڑی شاپنگ کیلئے بازار پہنچ گئے جس کی ویڈیو سوشل میڈیا پر وائرل ہو گئی۔ قومی کرکٹ ٹیم آئی سی سی ون ڈے ورلڈ کپ کھیلنے کے لیے بھارت میں موجود ہے، 8 گروپ میچز کھیلنے کے بعد پاکستان کرکٹ سکواڈ کا آج مکمل آرام کا دن ہے۔

Kolkata: Members of Pakistan Cricket team enjoyed shopping at a shopping mall ahead of their game against England. A total of 8 members visited the mall.#ReporterDiary #Pakistan #Kolkata #WestBengal #England (@Anirbansinhr) pic.twitter.com/59rjlgCLTv

— IndiaToday (@IndiaToday) November 7, 2023

تاہم قومی کرکٹرز نے ٹیم ہوٹل کے قریب واقع مال میں شاپنگ کی، اسامہ میر، عبداللہ شفیق، محمد حارث، وسیم جونیئر و دیگر شاپنگ کیلئے گئے۔ شاپنگ مال میں موجود افراد پاکستانی کرکٹرز کو اپنے درمیان دیکھ کر حیران رہ گئے۔ زمان خان، حارث اور وسیم نے اپنے لیے کپڑے اور دیگر اشیاء خریدیں، شاپنگ مال میں موجود کرکٹ شائقین پاکستانی کھلاڑیوں کو دیکھ کر حیران رہ گئے، شائقین نے کرکٹرز کے ساتھ تصاویر بنوائیں اور اگلے میچ کیلئے نیک خواہشات کا اظہار بھی کیا۔ دوسری جانب کولکتہ میں موجود پاکستان کرکٹ ٹیم کے کھلاڑیوں نے منگل کو پریکٹس کے بجائے گالف کھیل کر، جم، سوئمنگ اور شاپنگ کرکے وقت گزارا، قومی ٹیم کے کپتان بھی گالف کھیلتے ہوئے نظر آئے۔ کپتان بابراعظم صبح کوچنگ سٹاف کے ہمراہ گالف کھیلنے گئے، کھلاڑیوں نے جم اور سوئمنگ سیشن کیا۔ خیال رہے کہ پاکستان اور انگلینڈ کے درمیان راؤنڈ کا آخری میچ ہفتہ 11 نومبر کو کھیلا جائے گا، میچ کے لیے قومی کرکٹرز ان دنوں کولکتہ میں موجود ہیں جہاں اُنہوں نے منگل کو بھرپور دن گزارا۔