بیجنگ:(ویب ڈیسک) چین کی سمارٹ موبائل فون بنانے والی کمپنی ویو و نے مہنگائی کے اس دور میں ’وائے‘ سیریز کا سستا فون متعارف کرایا ہے جسے بیٹری اور کیمروں کیوجہ سے مناسب قیمت کا فون قرار دیا جا رہا ہے۔ چینی ویوو کمپنی نے رواں برس پہلے ہی ’وائے‘ سیریز کے متعدد فون متعارف کرائے تھے اور اب اس نے ’وائے 27 ایس‘ کو صارفین کیلئے پیش کردیا ہے جو کہ ’وائے 27‘ سیریز کا ہی حصہ ہے۔ ’ویوو وائے 27 ایس‘ کو6.4 انچ سکرین کیساتھ متعارف کرایا گیا ہے جبکہ اسے اینڈرائیڈ کے 13 آپریٹنگ سسٹم میں صارفین کیلئے مارکیٹ میں پیش کیا گیا ہے۔ قدرے مناسب قیمت کے اس چینی فون کے بیک پر دو کیمرے موجود ہیں جس میں سے مین کیمرا 50 میگا پکسل جبکہ دوسرا کیمرا 2 میگا پکسل کا دیا گیا ہے۔ اسی طرح فون کے فرنٹ پر 8 میگا پکسل سیلفی کیمرا بھی دیا گیا ہے، تاہم ویوو کمپنی کا دعویٰ ہے کہ فون کے کیمروں کو جدید ٹیکنالوجی سے اپگریڈ کردیا گیا ہے، ویو و فون کو 8 جی بی ریم اور 128 اور 256 جی بی میموری کیساتھ صارفین کیلئے مارکیٹ میں پیش کیا گیا ہے۔ ویوو وائے 27 ایس‘ میں فنگرپرنٹ سینسر سمیت دیگر فیچرز بھی دیے گئے ہیں جبکہ اسے ایک طاقتور بیٹری اور فاسٹ چارجر کیساتھ متعارف کرایا گیا ہے۔ یہ بھی پڑھیں: چینی کمپنی اوپو نے سنگل کیمرہ فون متعارف کرا دیا ویو واے سیریز کے فون کو 5 ہزار ایم اے ایچ کی بیٹری اور 44 واٹ کے فاسٹ چارجر کیساتھ صارفین کیلئے مارکیٹ میں پیش کیا گیا ہے اور کمپنی کا دعویٰ ہے کہ محض 30 منٹ میں اسے کی نصف سے زیادہ بیٹری زیرو سے چارج کی جا سکتی ہے۔ ابھی ویوو کمپنی نے فوری طور پر اپنے اس فون کو صرف انڈونیشیا میں فروخت لیے پیش کیا ہے تاہم جلد ہی اسے پاکستان سمیت دیگر ممالک میں بھی پیش کردیا جائے گا، کمپنی نے 8 جی بی ریم اور 256 جی بی میموری کے ماڈل کی قیمت پاکستانی 50 ہزار روپے رکھی ہے۔ تاہم ممکنہ طور پر اسے پاکستان میں پیش کیے جانے کے وقت اس میں مزید کمی کردی جائے گی، فون کو قیمت اور کیمروں سمیت بیٹری کے حوالے سے بہترین قرار دیا جا رہا ہے۔