کراچی : (سنو نیوز) شوٹنگ کے میدان سے بڑی خبر، پاکستان کی ویمن شوٹر کشمالہ طلعت نے پیرس اولمپکس کیلئے کوالیفائی کرلیا۔

کشمالہ طلعت نے ایشین رائفل شوٹنگ چیمپئن شپ میں سلور میڈل جیت کر یہ اعزاز حاصل کیا۔ کشمالہ طلعت نے 10 میٹر ائیر پسٹل میں پاکستان کیلئے سلور میڈل جیتا۔ ایشین شوٹنگ چیمپئن شپ انڈونیشیاء کے شہر جکارتہ میں آج سے شروع ہوئی ہے۔

پاکستانی شوٹر کشمالہ طلعت سے قبل جی ایم بشیر اور گلفام جوزف بھی اولمپکس کیلئے کوالیفائی کرچکے ہیں۔ کشمالہ طلعت رواں سال فرانس کے شہر پیرس میں ہونیوالے اولمپکس مقابلوں میں پاکستان کی نمائندگی کرینگی ۔

اس کے علاوہ کشمالہ طلعت 10 میٹر اور 25 میٹر ائیر پسٹل کیساتھ 25 میٹرز مکسڈ ڈبل مقابلوں میں بھی شرکت کریں گی۔