لاہور: (سنو نیوز) پاکستان تحریک انصاف کے دیرینہ رہنما عثمان ڈار نے بھی بالاخر عمران خان سے راہیں جدا کرتے ہوئے ناصرف پارٹی بلکہ سیاست سے ہی کنارہ کشی اختیار کرنے کا اعلان کر دیا ہے۔

تفصیل کے مطابق عثمان ڈار نے تحریک انصاف اور سیاست کو خیر باد کہہ دیا ہے۔ اس کیساتھ ساتھ انہوں نے چیئرمین پی ٹی آئی سے متعلق تہلکہ خیز انکشافات بھی کرڈالے ہیں۔ ایک نجی ٹی وی پروگرام میں گفتگو کرتے ہوئے بتایا کہ 9 مئی کےواقعات کی پلاننگ چیئرمین پی ٹی آئی عمران خان کے زیرصدارت زمان پارک میں ہوئی۔

عثمان ڈار نے انکشاف کرتے ہوئے کہا کہ چیئرمین پی ٹی آئی عمران خان کی گرفتاری کی صورت میں حساس تنصیبات کونشانہ بنانےکی ہدایت دی گئی۔ حساس تنصیبات کونشانہ بنانےکی ہدایت خودچیئرمین پی ٹی آئی نےدی۔

ان کا کہنا تھا کہ اکتوبر2022ء میں لانگ مارچ جنرل عاصم منیرکی بطورآرمی چیف تعیناتی روکنےکیلئےکیا گیا۔ 9 مئی حملوں کامقصدفوج پردباؤڈال کرجنرل عاصم منیرکوعہدےسےہٹاناتھا۔ فوج مخالف گروپ چیئرمین پی ٹی آئی سے سب سے قریب تھا۔ چیئرمین پی ٹی آئی نےگرفتاری سےبچنےکیلئےہیومن شیلڈ کااستعمال کیا۔

یہ بھی پڑھیں: سانحہ 9 مئی کے ماسٹر مائنڈز کے خلاف قانون کی گرفت مضبوط کی جائے: عسکری قیادت

خیال رہے کہ رواں سال 7 جون کو آرمی چیف جنرل سید عاصم منیر کے زیر صدارت فارمیشن کمانڈرز کانفرنس میں عسکری قیادت نے کہا تھا کہ اب وقت آ گیا ہے کہ سانحہ 9 مئی کے منصوبہ سازوں اور ماسٹر مائنڈز کے خلاف قانون کی گرفت مضبوط کی جائے۔ فوجی تنصیبات پر حملہ کرنے والوں کو پاکستان آرمی ایکٹ اور آفیشل سیکرٹ ایکٹ،جو کے آئینِ پاکستان کے تحت ہیں، کو جلد انصاف کے کٹہرے میں لا کر کیفرِ کردارتک پہنچایاجائے۔

تفصیل کے مطابق 7 جون 2023ء کو آرمی چیف جنرل سید عاصم منیر کے زِیر صدارت جی ایچ کیو میں فارمیشن کمانڈرز کانفرنس ہوئی۔ کانفرنس میں کور کمانڈرز، پرنسپل اسٹاف آفیسرز اور پاک فوج کے تمام فارمیشن کمانڈرز نے شرکت کی۔

فورم نے شہداء کی عظیم قربانیوں، جن میں مسلح اَفواج، قانون نافذ کرنے والے اِداروں کے افسران وجوانوں اور سِول سُوسائٹی کے شہداء شامل ہیں، کو زبردست خراجِ عقیدت پیش کیا۔

اس موقع پر فورم سے اپنے خطاب میں آرمی چیف جنرل سیدعاصم منیر کا کہنا تھا کہ رِیاست پاکستان اور مسلح اَفواج، شہداء پاکستان اور اِن کے اہلخانہ کو احترام کی نگاہ سے دیکھتی ہیں اور ان کی لازوال قربانیوں کو ہمیشہ سراہتی رہے گی ۔

آرمی چیف جنرل سید عاصم منیر نے کہا کہ پاکستان کی عوام اور مسلح افواج کا آپس میں گہرا تعلق ہے جو قومی سلامتی میں مرکزی حیثیت رکھتا ہے۔ 25 مئی کی تقریبات میں عوام کی بھرپور شرکت افواج پاکستان اور عوام میں گہر ے تعلق کی واضح عکاسی کرتی ہیں۔

یہ بھی پڑھیں:عمران خان کی درخواست ضمانت پر سماعت اوپن کورٹ میں ہوگی

آرمی چیف نے کہا کہ قانون نافذ کرنے والے اداروں اورسیکیورٹی فورسز پر پرُ تشدد حملے، انسانی حقوق کی خلاف ورزیوں اور سیاسی سرگرمیوں کو روکنے کے بے بنیاد الزامات کا مقصد عوام کو گمراہ کرنا اور مسلح افواج کو بدنام کرکے مذموم سیاسی مفادات کا حصول ہے۔

پاک فوج کے سربراہ نے کہا کہ ملک دشمن عناصر اور ان کے حامی، جعلی اور بے بنیاد خبروں اور پروپیگنڈہ کے ذریعے معاشرتی تفرقہ اور انتشار پیدا کرنے کی بھرپور کوشش کر رہے ہیں، انشا اللہ قوم کے بھرپور تعاون سے تمام تر ناپاک عزائم کو ناکام بنایا جائے گا۔

انہوں نے کہا کہ بگاڑ پیدا کرنے کی اورٖٖٖفرضی انسانی حقوق کی خلاف ورزیوں کے پیچھے پناہ لینے کی تمام تر کوششیں بے سودہیں۔ کثرت سے جمع کیے گئے ناقابلِ تردید شواہد کونہ جھٹلایا اور نہ ہی بگاڑا جا سکتا ہے۔

آئی ایس پی آر کے مطابق فارمیشن کمانڈ کانفرنس کے شرکاء نے یوم سیاہ سانحہ 9 مئی کے واقعات کی سخت ترین مذمت کی۔ فورم نے مذموم مقاصد کے حصول کے لیے ریاست اور ریاستی اداروں کے خلاف نفرت پروان چڑھانے اور ملک میں افراتفری پھیلانے والوں کے خلاف گھیرا تنگ کرنے کی ضرورت پرزور دیا۔

یہ بھی پڑھیں:پولیس نے اسد عمر اور عمران خان کی بہنوں کی گرفتاری مانگ لی

کانفرنس کے شرکا نے اس عزم کا اظہار کیا کہ اب وقت آ گیا ہے کہ ان کے منصوبہ سازوں اور ماسٹر مائنڈز کے خلاف قانون کی گرفت مضبوط کی جائے۔ شہدا کی یادگاروں، جناح ہاؤس کی بے حرمتی کرنے والوں اور فوجی تنصیبات پر حملہ کرنے والوں کو پاکستان آرمی ایکٹ اور آفیشل سیکرٹ ایکٹ،جو کے آئینِ پاکستان کے تحت ہیں، کو جلد انصاف کے کٹہرے میں لا کر کیفرِ کردارتک پہنچایاجائے۔

عسکری قیادت کا کہنا تھا کہ مخالف قوتوں کے ناپاک عزائم کو مکمل طور پر ناکام بنانے کی راہ میں کسی بھی جانب سے رکاوٹیں کھڑی کرنے اور ابہام پیدا کرنے کی کوششوں کو آہنی ہاتھوں سے نمٹا جائے گا۔ افواجِ پاکستان، ملک کی سلامتی اور استحکام کے لئے کسی بھی قربانی سے دریغ نہیں کریں گے۔