ذرائع کے مطابق اس دورے کے دوران امریکا اور ایران کے درمیان جاری کشیدگی کم کرنے کیلئے متعدد اہم مذاکرات کیے گئے، تاہم کوئی حتمی پیش رفت سامنے نہ آسکی۔
روانگی سے قبل پریس کانفرنس کرتے ہوئے جے ڈی وینس نے کہا کہ اب تک کسی حتمی معاہدے تک نہیں پہنچ سکے، اسی لیے امریکی وفد بغیر کسی ڈیل کے واپس جا رہا ہے، ایران نے امریکی شرائط کو قبول کرنے سے انکار کر دیا، جس کے باعث مذاکرات نتیجہ خیز ثابت نہ ہو سکے۔
امریکی نائب صدر نے مزید بتایا کہ مذاکرات کے دوران کئی اہم امور پر تفصیلی تبادلہ خیال کیا گیا اور امریکا نے مکمل نیک نیتی کے ساتھ بات چیت میں حصہ لیا۔
انہوں نے کہا کہ امریکی وفد نے لچک کا مظاہرہ کیا اور مختلف معاملات پر پیش رفت کیلئے سنجیدہ کوششیں کیں، تاہم فریقین کے درمیان اختلافات برقرار رہے۔
سیاسی تجزیہ کاروں کے مطابق یہ مذاکرات خطے میں امن کیلئے ایک اہم موقع تھے، لیکن اختلافات کے باعث کوئی ٹھوس نتیجہ سامنے نہیں آ سکا، آئندہ دنوں میں مزید سفارتی کوششیں متوقع ہیں، تاہم کامیابی کا انحصار دونوں ممالک کے مؤقف میں لچک پر ہوگا۔
یہ بھی پڑھیں:کسی نتیجے پر نہیں پہنچے، بغیر ڈیل واپس جارہے ہیں، جے ڈی وینس
دوسری جانب عالمی برادری بھی اس پیش رفت پر گہری نظر رکھے ہوئے ہے اور امید ظاہر کی جا رہی ہے کہ مستقبل میں مذاکرات کا عمل دوبارہ شروع ہو سکتا ہے۔
