تفصیلات کے مطابق پاکستانی لڑکے کی محبت میں مبتلا پاکستان آنے والی امریکی خاتون کراچی میں لگ بھگ 4 ماہ تک رہ کر  گزشتہ دنوں کراچی کے جناح انٹرنیشنل ائیرپورٹ سے براستہ دبئی امریکا کیلئے روانہ ہوئی تھیں، تاہم وہ وطن واپس لوٹنے کے بجائے دبئی میں ہی رک گئیں، اس دوران ان کی کافی ویڈیوز بھی سوشل میڈیا پر وائرل ہوئیں۔

واضح رہے کہ اونیجا اینڈریو رابنسن 7 فروری کی رات کراچی سے پرواز ای کے 603 سے دبئی پہنچی تھیں،انہوں نے دبئی سے پرواز ای کے 203 سے نیویارک جانا تھا، مگر خاتون نے یہ پرواز چھوڑ دی۔ اونیجا امریکی شہری ہونے کی وجہ سے آن ارائیول ویزے پر دبئی میں چلی گئی تھیں، اب  انہیں حفاظتی تحویل میں لے لیا گیا ہے۔

ذرائع کے مطابق ان کی فیملی  کے لوگ نیویارک میں اونیجا کے پہنچنے کے انتظار میں تھے، مگر وہ نہیں پہنچی تو امریکی حکام کی جانب سے خاتون کی تلاش شروع کی گئی۔

ذرائع نے بتایا کہ دبئی کی سڑکوں پر ویڈیوز سامنے آنے پر امریکی ادارے حرکت میں آئے اور اماراتی حکام سے رابطہ کیا جس پر خاتون کی آمدورفت محدود کرکے اسے حراست میں لے لیا گیا۔

ذرائع کے کی جانب سے بتایا گیا کہ اب اونیجا  کو دبئی سے امریکا بھیجنا بھی مسئلہ بن رہا ہے،کیونکہ خاتون نے کوئی قانونی خلاف ورزی نہیں کی اور  وہ وزٹ ویزا پر ہیں اس لیے اسے زبردستی نہیں بھیجا جا سکتا، کسی وجہ سے اگر خاتون کو دبئی سے ڈی پورٹ بھی کیا جائے تو کوئی ائیر لائن یا پائلٹ اس  ابنارمل  خاتون کو سکیورٹی وجوہات کی بناء پر 15 گھنٹے طویل پرواز میں لے جانے پر آمادہ نہیں ہوگا۔