ریسٹورنٹ مالک رحیم اللہ خان نے سنو نیوز سے بات کرتے ہوئے بتایا کہ بھارتی شہری نشے کی حالت میں تھے، کھانا کھانے کے بعد کاؤنٹر پر شور مچا دیا کہ بکرے کے گوشت میں گائے کا گوشت ملایا گیا ہے۔

ہوٹل انتظامیہ نے انھیں بتایا کہ بیف مینیو میں ہے ہی نہیں، تاہم نشے میں دھت افراد نے ورکرز پر حملہ کر دیا، واقعے کے بعد ملزمان کو گرفتار کرلیا گیا ہے۔

رحیم اللہ خان کے مطابق حملے میں ریسٹورنٹ کے شیشے توڑے گئے اور دیگر اشیا کو نقصان پہنچایا گیا۔

واضح رہے کہ برطانوی پولیس کی جانب سے شیفیلڈ ریسٹورنٹ میں پیش آنے والے واقعے کی مزید تحقیقات کی جا رہی ہیں۔