رائٹرز کی رپورٹ کے مطابق ترکیہ نے یہ اقدام مواصلاتی عہدیدار فرحتین التون کے انسٹاگرام پر کیے گئے تبصرے کے بعد کیا گیا ہے، فرحتین التون نے انسٹاگرام کی جانب سے حماس کے رہنما اسمٰعیل ہنیہ کی شہادت کے بعد پوسٹس بلاک کرنے پر انسٹا گرام کو کڑی تنقید کا نشانہ بھی بنایا تھا۔

فرحتین التون کا سماجی رابطے کی ویب سائٹ ایکس سابقہ ٹویٹر پر کہنا تھا کہ یہ مکمل طور پر سینسر شپ ہے، انہوں نے مزید بتایا کہ انسٹاگرام نے اپنی کارروائی کے لیے کسی پالیسی کی خلاف ورزی کا حوالہ نہیں دیا۔

انسٹاگرام کے پیرنٹ کمپنی میٹا نے تاحال ترکیہ کی جانب سے لگائی جانے والی پابندی یا فرحتین التون کے الزامات کے حوالے سے کسی بھی رائے کا اظہار نہیں کیا گیا۔

ترکیہ کی وزارت مواصلات اور انفارمیشن ٹیکنالوجی (بی ٹی کے) نے 2 اگست کے فیصلے کا اعلان اپنی ویب سائٹ پر کیا۔