صارفین کا طویل انتظار بالآخر ختم ہو گیا اور اب یہ نیا سافٹ ویئر اپ ڈیٹ ڈاؤن لوڈ کے لیے دستیاب ہے، جس میں جدید فیچرز اور مصنوعی ذہانت (AI) کی طاقت سے لیس ٹولز شامل کیے گئے ہیں۔

 

 

iOS 18 میں ایپل نے تین بڑی خصوصیات کو نمایاں کیا ہے: ایپل انٹیلیجنس، اے آئی ٹولز، اور نئی پرائیویسی کسٹمائزیشن۔ اس اپ ڈیٹ کی سب سے بڑی جدت مصنوعی ذہانت (AI) کو منفرد انداز میں شامل کرنا ہے، جس سے صارفین کو بہتر تجربہ فراہم کیا جا رہا ہے۔

 

 

ایپل کے نئے iOS 18 میں جنریٹو اے آئی (Generative AI) کے ذریعے صارفین کو ٹیکسٹ بہتر بنانے، تحریری مواد پروف ریڈ کرنے، اور مختلف ایپلی کیشنز جیسے میل اور نوٹس میں مواد کو سمرائز کرنے کی صلاحیت فراہم کی گئی ہے۔ ’امیج پلے گراؤنڈ‘ نامی ایک نئی ایپ صارفین کو انفرادی طور پر اسکیچز اور اینیمیشنز بنانے کا موقع دیتی ہے، جس سے ان کا تخلیقی تجربہ مزید بہتر ہوتا ہے۔

 

 

iOS 18 میں Siri کو پہلے سے زیادہ ذہین اور قابل بنایا گیا ہے۔ اب یہ صارفین کو فوٹو ایڈیٹنگ اور فائل مینجمنٹ جیسے کاموں میں بھی مدد فراہم کر سکتا ہے۔ مزید برآں، Siri کی جنریٹو اے آئی صلاحیتوں میں اضافہ کیا گیا ہے، جس سے یہ پیچیدہ سوالات کو بھی مؤثر انداز میں ہینڈل کر سکے گا۔

 

 

ایپل کا دعویٰ ہے کہ نیا آپریٹنگ سسٹم iPhone کو مزید ذاتی، قابل اور ذہین بناتا ہے۔ iOS 18 میں پرسنل انٹیلی جنس سسٹم بھی شامل کیا گیا ہے، جو صارفین کی روزمرہ کی زندگی میں اہم کردار ادا کرے گا، جبکہ فوٹو گیلری کو بھی مکمل طور پر ری ڈیزائن کیا گیا ہے تاکہ صارفین کو بہتر اور جدید تجربہ فراہم کیا جا سکے۔

 

 

ایپل نے حال ہی میں 9 ستمبر کو اپنی نئی مصنوعات بھی متعارف کروائی تھیں، جن میں آئی فون 16، آئی فون 16 پلس، آئی فون 16 پرو اور آئی فون 16 پرو میکس شامل ہیں۔ نئے ماڈلز میں زیادہ بڑے ڈسپلے کے ساتھ A18 پرو چپ، 16 کور نیورل انجن اور سیکنڈ جنریشن 3 نینومیٹر ٹرانسسٹرز شامل کیے گئے ہیں، جو مصنوعی ذہانت کے بوجھ کو آسانی سے ہینڈل کرنے اور سسٹم کی رفتار کو مزید بہتر بنانے میں معاون ثابت ہوں گے۔

 

 

iOS 18 کی بدولت ایپل ایک بار پھر موبائل ٹیکنالوجی میں انقلاب برپا کرنے کی راہ پر گامزن ہے، جس سے صارفین کو پہلے سے بہتر اور جدید فیچرز فراہم کیے جا رہے ہیں۔ یہ نیا اپ ڈیٹ ایپل صارفین کے لیے ان کے آئی فونز کو پہلے سے زیادہ ذاتی، ذہین اور قابل بنائے گا۔