شان مسعود کی چھٹی، بابر اعظم قومی ٹیسٹ ٹیم کے نئے کپتان مقرر
پاکستان کے دورہ ویسٹ انڈیز اور انگلینڈ کے لیے ٹیسٹ سکواڈز کا اعلان کر دیا گیا، بابر اعظم دونوں ٹیسٹ سیریز میں پاکستان کی قیادت کریں گے۔
پاکستان مینز نیشنل سلیکشن کمیٹی نے لاہور میں ٹیسٹ سکواڈز کا اعلان کیا، سکواڈز کا اعلان قذافی سٹیڈیم لاہور میں پریس کانفرنس کے دوران کیا گیا۔
پاکستان ٹیم ویسٹ انڈیز کے ساتھ دو ٹیسٹ میچز کھیلے گی، ویسٹ انڈیز کے ساتھ ٹیسٹ سیریز 25 جولائی سے 6 اگست تک کھیلی جائے گی۔
پاکستان اور انگلینڈ کے درمیان تین ٹیسٹ میچز کی سیریز کھیلی جائے گی، انگلینڈ کے ساتھ ٹیسٹ سیریز 19 اگست سے 13 ستمبر تک کھیلی جائے گی۔
ویسٹ انڈیز سیریز کے لیے 16 رکنی قومی سکواڈ کا اعلان کیا گیا ہے جبکہ انگلینڈ سیریز کے لیے 17 رکنی سکواڈ کا اعلان کیا گیا، سعود شکیل کو انگلینڈ سیریز کے لیے 17ویں کھلاڑی کے طور پر شامل کیا گیا، سعود شکیل کی شمولیت فٹنس سے مشروط ہو گی۔
یہ بھی پڑھیں: نئی آئی سی سی رینکنگ جاری، بابر کا کونسا نمبر؟
پاکستانی 16 رکنی اسکواڈ میں بابر اعظم کپتان، شان مسعود، امام الحق، اذان اویس ، عبداللہ فضل، سلمان علی آغا، غازی غوری اور محمد رضوان شامل ہیں۔
اس کے علاوہ ساجد خان، علی عثمان، عامر جمال، محمد علی، محمد عباس، عبید شاہ، اویس ظفر اور خرم شہزاد بھی سکواڈ کا حصہ ہیں۔
