پاکستان کرکٹ بورڈ (پی سی بی) کے مطابق اس بار 157 کھلاڑیوں کو کنٹریکٹس دیئے گئے ہیں جو گزشتہ سیزن کے مقابلہ میں 26 سے زیادہ ہیں۔ کنٹریکس کی مدت اگست 2025 سے جولائی 2026 تک مقرر کی گئی ہے۔

یہ بھی پڑھیں: آئی سی سی رینکنگ: روہت شرما ون ڈے کے نمبر ون بیٹر

دلچسپ امر یہ ہے کہ اس بار بورڈ نے تین کے بجائے چار کیٹیگریز متعارف کرائی ہیں۔ کیٹیگری ایک میں 30 نمایاں پرفارمرز، دو میں 55 تجربہ کار، تین میں 51 باصلاحیت اور چار میں 21 نئے چہرے شامل ہیں۔

ذرائع کے مطابق کنٹریکٹس گزشتہ سیزن کی کارکردگی کی بنیاد پر دیئے گئے ہیں تاکہ میرٹ اور تسلسل کو فروغ دیا جا سکے۔

پی سی بی کا کہنا ہے کہ اس فیصلے کا مقصد ڈومیسٹک کھلاڑیوں کو مالی استحکام، اعتماد اور بہتر مواقع فراہم کرنا ہے تاکہ وہ بین الاقوامی سطح کے لیے زیادہ مضبوط ہو کر سامنے آئیں۔