پی سی بی ذرائع کا کہنا ہے کہ قومی پیسر حارث رؤف کو نیوزی لینڈ کیخلاف ون ڈے سکواڈ میں شامل کیے جانے پر غور کیا جارہا ہے، ٹیم مینجمنٹ نے حارث رؤف کو ون ڈے سکواڈ میں شامل کرنے کی درخواست کی ہے۔

ذرائع کے مطابق حارث رؤف کی ون ڈے سکواڈ میں شمولیت کا قوی امکان ہے جس کا اعلان جلد کردیا جائے گا۔

دوسری جانب کیویز کیخلاف ون ڈے سیریز کیلئے بیک اپ وکٹ کیپر کے طور پر عثمان خان کی شمولیت پر بھی غور کیا جارہا ہے تاہم حتمی اعلان فیصلے کے بعد ہی کیا جائے گا۔

خیال رہے کہ پاکستان ون ڈے سکواڈ کے 9 کھلاڑی نیپیئر میں موجود ہیں جبکہ ون ڈے سکواڈ کے دیگر کھلاڑی اور سپورٹ سٹاف کے اراکین کل ویلنگٹن سے نیپیئر پہنچیں گے۔

واضح رہے کہ پاکستان اور نیوزی لینڈ کے درمیان ون ڈے سیریز کا پہلا میچ 29 مارچ کو ہفتے کے روز نیپیئر میں کھیلا جائے گا جبکہ سیریز کے دیگر دو میچز 2 اور 5 اپریل کو کھیلے جائیں گے۔

یاد رہے کہ نیوزی لینڈ نے پانچ میچز کی ٹی 20 سیریز میں پاکستان کو مات دی ہے، کیویز نے پانچ ٹی 20 میچز کی سیریز 1-4 سے اپنے نام کی ہے۔