تفصیلات کے مطابق چئیرمین پاکستان کرکٹ بورڈ (پی سی بی) محسن نقوی کی زیر صدارت قذافی سٹیڈیم میں اہم اجلاس ہوا جس میں چیمپئنز ٹرافی ٹورنامنٹ کی تیاریوں اور انتظامات کا تفصیلی جائزہ لیا گیا۔ اس موقع پر محسن نقوی نے تمام تر انتظامات کو خوب سے خوب تر بنانے کی ہدایت دی۔

محسن نقوی کا کہنا تھا کہ پاکستان چیمپئنز ٹرافی ٹورنامنٹ کے لئے پوری طرح تیار ہے، تمام ٹیموں کو بین الاقوامی معیار کی سہولتیں فراہم کی جائیں گی، سٹیڈیمز میں شائقین کرکٹ کیلئے ہر ممکن سہولتیں دیں گے، 29 برس بعد آئی سی سی ٹورنامنٹ کا انعقاد پاکستان کے لئے باعث افتخار ہے۔ چیمپئنز ٹرافی ٹورنامنٹ کا شاندار انعقاد یقینی بنا کر پاکستان کی عزت بڑھائیں گے۔

یاد رہے اجلاس میں ایڈوائزر عامر میر، چیف آپریٹنگ آفیسر پی سی بی سمیر احمد، ڈائریکٹر سکیورٹی، ڈائریکٹر انفراسٹرکچر، ڈائریکٹر ایچ آر و ایڈمن، ڈائریکٹر میڈیا اینڈ کمیونیکیشن، ہیڈ آف آئی ٹی۔ ہیڈ آف ویمنز ڈیپارٹمنٹ اور متعلقہ حکام بھی موجود تھے۔

واضح رہے آئی سی سی چیمپئنز ٹرافی میں پہلا جوڑ کراچی میں پاکستان اور نیوزی لینڈ کے درمیان پڑے گا۔ کل پاکستان ائیر فورس شیر دل شو کا شاندار فضائی مظاہرہ کرے گی۔