انہوں نے کہا کہ ہمیشہ اچھا پرفارم کرنے کی کوشش میں ہوتا ہوں، خود ہی س مشکل مرحلے سے نکلوں گا، مجھے ماضی بھولنا ہے اور آگے دیکھنا ہے۔
پاکستان کرکٹ ٹیم کے سابق کپتان اور معروف بلے باز بابر اعظم نے جنوبی افریقا کیخلاف میچ کے بعد میڈیا سے بات چیت کرتے ہوئے کہا کہ جب بھی بیٹنگ کیلئے جاتا ہوں مثبت پلاننگ کے ساتھ جاتا ہوں، بدقسمتی سے میں اچھی طرح سے فنش نہیں کر پارہا، آغا اور رضوان نے بہترین اننگز کھیلی ہیں۔
بابر اعظم نے اس موقع پر اپنے مداحوں سے اپیل کی کہ کنگ شنگ بولنا ذرا کم کریں، جو ٹیم نے ڈیمانڈ کی تھی اس ہی پلان پر گیا، کوشش ہوتی ہے کہ جو میری بیسٹ پرفارمنس ہو وہ دوں، جب آپ اننگ بناتے ہیں تو کنڈیشنز کا آئیڈیا ہوجاتا ہے، پہلے جو اچھی اننگ کھیلیں انہیں سوچتا ہوں، خود اس مشکل مرحلے سے نکلوں گا۔
انہوں نے مزید کہا کہ جتنا بھی اچھا پرفارم کیا وہ میرا ماضی تھا، میرے لئے آنے والا ہر میچ چیلنجنگ اور نیا ہے، مجھے ماضی بھولنا ہے اور آگے دیکھنا ہے، مجھے حال پر توجہ دینی ہے ، کوشش کرتا ہوں کہ آنے والے دن کی مثبت پلاننگ کروں، اگلی ٹیم بھی پلان کرکے آتی ہے۔
ان کا کہنا تھا کہ جب بھی کوئی میچ جیتتے ہیں تو اعتماد آتا ہے، یہی چیزیں ہیلپ کرتی ہیں ہم اپنی اچھی بری چیزوں کو ڈسکس کرتے ہیں۔
