سماجی رابطے کی ویب سائٹ ایکس پر وریدھمن ساہا نے ایک جذباتی پوسٹ شیئر کرتے ہوئے کہا کہ 28 برس ہو گئے ہیں جب میں نے کرکٹ میں قدم رکھا اور ہر لمحہ بہترین رہا۔ اپنے ملک اور ریاست کی نمائندگی کرنا زندگی کا سب سے بڑا اعزاز ہے۔

ذہن نشین رہے کہ وریدھمن ساہا نے اپنے کیریئر کا آغاز فروری 2010 میں کیا اور بھارت کی نمائندگی کرتے ہوئے 40 ٹیسٹ اور 9 ایک روزہ میچز کھیلے۔

دوسری جانب ڈومیسٹک کرکٹ میں بنگال اور تریپورا کی نمائندگی کرتے ہوئے انہوں نے 142 فرسٹ کلاس اور 116 لسٹ اے میچز میں حصہ لیا۔ان کی کرکٹ کے میدان میں شراکت کا آغاز 1997 میں ہوا، جب انہوں نے پہلی بار کرکٹ کی فیلڈ میں قدم رکھا، اس کے بعد کا سفر ان کیلئے نہایت کامیاب اور یادگار رہا۔

واضح رہے کہ 40 سالہ ساہا نے یہ اعلان پنجاب کیخلاف بنگال کے رانجی ٹرافی کے آخری گروپ میچ کے دوران کیا۔ اس میچ کے بعد ان کے ساتھی کھلاڑیوں نے انہیں اپنے کندھوں پر اُٹھایا، جو کہ ان کی کرکٹ کے میدان میں شاندار خدمات کا ایک جذباتی لمحہ تھا۔