تفصیلات کے مطابق رنجی ٹرافی میں ممبئی کرکٹ ٹیم کی نمائندگی کرنے والے بھارتی ٹیم کے کپتان اور مشہور بلے باز روہت شرما جموں و کشمیر کیخلاف میچ میں پہلی اننگز میں 3 اور دوسری اننگز میں صرف 34 گیندوں پر 28 رنز بنا کر وکٹ کھونے کے بعد پویلین لوٹ گئے۔

میچ میں دوسرے دن ایک ڈرامائی لمحہ اس وقت دیکھنے میں ملا جب جموں و کشمیر کے کھلاڑیوں نے گیند کی تبدیلی پر شکایت کی جس کے بعد بحث شروع ہو گئی۔

تلخ کلامی اسوقت ہوئی جب روہت شرما نے امپائر کے گیند کو تبدیل کرنے کے فیصلے پر ناراضگی کا اظہار کرتے ہوئے تلخ کلامی شروع کر دی،تاہم کھلاڑیوں نے بیچ بچاؤ کر کے معاملے کلو ختم کرنے کی کوشش کی۔

واضح رہے کہ یہ واقعہ نویں اوور میں پیش آیا جب یشسوی جیسوال اسٹرائیک پر موجود تھے۔  

خیال رہے کہ روہت شرما نے دوسری اننگز میں 3 چھکوں اور 2 چوکوں کے ساتھ 28 رنز بنائے تاہم انکی اننگز میں 14ویں اوور میں اختتام پذیر ہوگئی، جب یودھویر سنگھ کی گیند پر گراؤنڈ پر ایک بڑا شاٹ لگانے کی کوشش میں وہ کیچ آؤٹ ہوگئے۔