ذرائع کے مطابق چیمپئینز ٹرافی سے قبل پاکستانی ٹیم نے سہہ فریقی سیریز میں حصہ لینا ہے۔ صائم ایوب کا فیصلہ ہوگیا تو سہہ فریقی سیریز کی ٹیم ہی چیمپئینز ٹرافی کے لیے ٹیم ہوگی۔

صائم ایوب کے فٹ نہ ہونے کی صورت میں سلیکٹرز نے متبادل کا فیصلہ کرلیا۔ آوٹ آف فارم عبداللہ شفیق کی اسکواڈ میں جگہ مشکل ہے جبکہ عثمان خان کے بھی ڈراپ ہونے کا امکان ہے۔

ذرائع کے مطابق فخر زمان کی اسکواڈ میں شمولیت یقینی ہے جبکہ امام الحق اور حسیب اللہ کے ناموں پر بھی غور جاری ہے۔ محمد رضوان، بابر اعظم، سلمان آغا، طیب طاہر، عرفان خان کی اسکواڈ میں شمولیت یقینی ہے۔

محمد حسنین، نسیم شاہ، شاہین آفریدی، حارث رؤف کی سکواڈ میں شمولیت متوقع ہے۔ کامران غلام، ابرار احمد اور سفیان مقیم کی بھی سکواڈ کا حصہ ہے۔ پاکستان آئی سی سی کو ابتدائی سکواڈ کے نام بھجوا چکا ہے۔

یاد رہے 11 فروری تک حتمی سکواڈ کا اعلان کرنا لازمی ہے۔ سہہ فریقی سیریز کا پہلا میچ 8 فروری کو ہوگا۔