آسٹریلیا کے مایہ ناز بلے باز ڈیوڈ وارنر اس سیزن کے مہنگے ترین کھلاڑی قرار پائے جنہیں کراچی کنگز نے پلاٹینم کیٹیگری میں حیران کن طور پر 3.5 لاکھ ڈالر کے معاہدے کے ساتھ اپنی ٹیم کا حصہ بنا لیا۔

آسٹریلوی اوپنر ڈیوڈ وارنر کو کراچی کنگز نے پلاٹینم کیٹیگری میں منتخب کیا۔ وہ نہ صرف اس سال کے سب سے مہنگے کھلاڑی ہیں بلکہ ان کی شمولیت سے کراچی کنگز کی بیٹنگ لائن میں نئی جان ڈالنے کی توقع کی جا رہی ہے۔

لاہور قلندرز نے پلاٹینم کیٹیگری کی پہلی پک میں نیوزی لینڈ کے آل راؤنڈر ڈیرل مچل کو چن لیا جبکہ کوئٹہ گلیڈی ایٹرز نے مارک چیپمین اور اسلام آباد یونائیٹڈ نے میتھیو شارٹ کو منتخب کیا۔ ملتان سلطانز نے مائیکل بریس ویل کو اپنی ٹیم میں شامل کیا۔

پشاور زلمی نے عبدالصمد (وائلڈ کارڈ)، حسین طلعت اور نائید رانا کو پک کیا جبکہ ملتان سلطانز نے محمد حسنین اور کامران غلام کا انتخاب کیا، اسی طرح کراچی کنگز نے عامر جمال کو چنا اور اسلام آباد یونائیٹڈ نے بین ڈوارشویس کو سکواڈ میں شامل کیا۔

اس سال کے ڈرافٹ میں ملکی اور غیر ملکی کھلاڑیوں کی بڑی تعداد نے حصہ لیا جس نے ٹیموں کی طاقت میں بے پناہ اضافہ کیا ہے۔ پلاٹینم اور گولڈ کیٹیگری کے انتخاب سے واضح ہے کہ تمام ٹیمیں اپنی بہترین کارکردگی دکھانے کے لیے تیار ہیں۔