اعلان کردہ اسکواڈ میں جنوبی افریقہ کے دورے پر جانے والی ٹیم میں سے 7 تبدیلیاں کی گئی ہیں برقرار رہنے والے کھلاڑیوں میں شان مسعود (کپتان)، سعود شکیل (نائب کپتان)، بابر اعظم، کامران غلام، خرم شہزاد، محمد رضوان، نعمان علی، اور سلمان علی آغا شامل ہیں۔
اسکواڈ میں اسپن بولنگ کو مضبوط بنانے کیلئے لیگ اسپنر ابرار احمد کی واپسی ہوئی ہے، جو آف اسپنر ساجد خان اور لیفٹ آرم اسپنر نعمان علی کے ساتھ پارٹنر بنیں گے۔ زخمی صائم ایوب اور آؤٹ آف فارم عبداللہ شفیق کی جگہ اوپنرز امام الحق اور محمد ہریرہ کو ٹیم میں واپس لایا گیا ہے۔
ورک لوڈ مینجمنٹ کے تحت عامر جمال، محمد عباس، میر حمزہ، اور نسیم شاہ کو آرام دیا گیا ہے۔ ان کی جگہ خرم شہزاد کو برقرار رکھا گیا ہے، جبکہ محمد علی کو واپس بلایا گیا ہے اور ان کیپڈ کاشف علی کو اسکواڈ کا حصہ بنایا گیا ہے۔
جنوبی افریقہ کے دورے میں زخمی ہونے والے وکٹ کیپر حسیب اللہ کی غیر موجودگی میں پاکستان انڈر 19 کے سابق کپتان اور شاہینز کے قائد روحیل نذیر کو اسکواڈ میں شامل کیا گیا ہے۔
پاکستانی اسکواڈ
شان مسعود (کپتان)، سعود شکیل (نائب کپتان)، ابرار احمد، بابر اعظم، امام الحق، کامران غلام، کاشف علی، خرم شہزاد، محمد علی، محمد ہریرہ، محمد رضوان (وکٹ کیپر/بیٹر)، نعمان علی، روحیل نذیر (وکٹ کیپر/بیٹر)، ساجد خان اور سلمان علی آغا شامل ہیں۔
