جونئیر ایشیا کپ ہاکی ٹورنامنٹ میں پاکستان نے شاندار آغاز کرتے ہوئے اپنے پہلے میچ میں چین کو 2-7 سے شکست دے کر فتح حاصل کی۔ اس جیت کے ساتھ ہی پاکستان نے ٹورنامنٹ میں اپنی پوزیشن مضبوط کر لی ہے۔
عمان میں کھیلے گئے اس میچ میں پاکستان کی جانب سے حمزہ فیاض اور سفیان خان نے 2، 2 گول اسکور کیے جبکہ محمد عماد، رانا ولید اور محمد مغیرہ نے ایک ایک گول کر کے ٹیم کی فتح میں اہم کردار ادا کیا، چین کی جانب سے 2 گول اسکور کیے گئے، تاہم وہ پاکستان کے سامنے ناکام رہے۔
پاکستان جونیئر ہاکی ٹیم کا اگلا میچ 28 نومبر 2024 کو بنگلا دیش کے خلاف عمان میں کھیلا جائے گا۔ اس میچ کے لیے ٹیم نے اپنی تیاریوں کو مکمل کر لیا ہے اور کھلاڑیوں کا عزم بھی بلند ہے کہ وہ مسلسل کامیابیاں حاصل کریں گے۔
جونئیر ایشیا کپ ہاکی ٹورنامنٹ ایشیا کی اہم ہاکی مقابلوں میں شمار ہوتا ہے اور اس میں شریک ٹیمیں اپنے کھیل کو بہتر بنانے کے لیے سخت مقابلے کرتی ہیں۔ پاکستان کی اس فتح سے ٹیم کا مورال بلند ہوا ہے اور انہیں باقی میچز میں بھی کامیابی حاصل کرنے کی پوری امید ہے۔
