تفصیلات کے مطابق بابر اعظم نے رات گئے سماجی رابطے کی ویب سائٹ اور اپنے آفیشل ایکس اکاؤنٹ پر پوسٹ شیئر کرتے ہوئے لکھا کہ ’ڈئیر فینز، میں نے قومی ٹیم کی کپتانی سے مستعفیٰ ہونے کا فیصلہ کیا ہے، بطور کھلاڑی کردار ادا کرنے پر توجہ دینا اور فیملی کے ساتھ وقت گزارنا چاہتا ہوں۔‘

انہوں پوسٹ میں مزید لکھا کہ ’قومی ٹیم کی قیادت کرنا میرے لیے ایک اعزار کی بات ہے لیکن اب یہ وقت ہے کہ میں بطور کپتان مستعفی ہو کر اپنے کھیل پر توجہ دوں، کپتانی ایک سود مند تجربہ رہا ہے لیکن اس سے کام کا بوچھ بڑھ جاتا ہے، میں اپنی پرفارمنس اور اپنی بیٹنگ کو ترجیح دینا چاہتا ہوں اور اپنے خاندان کے ساتھ اچھا وقت گزارنا چاہتا ہوں جو کہ میرے لیے باعث مسرت ہوتا ہے۔‘

بابر اعظم کا کہنا تھا کہ ’کپتانی سے ہٹ کر میں میں اپنی توانائیاں اپنی انفرادی کھیل اور شخصی گروتھ پر صرف کرنا چاہتا ہوں، میں آپ کی محبت اور سپورٹ کے لیے آپ سب کا شکرگزار ہوں۔‘